貼地馮盈盈做港姐司儀被網民捧為連登最buy港姐天生食呢行飯被翻出當年參賽嘅問答環節片段

By Charlotte on 29 Aug 2018

Editor

馮盈盈可算係上位上得比較快嘅前港姐，外貌身形出眾就不在話下，更加憑住佢大膽敢言，不時踩界講啲黃色笑話，又會上啲乜登討論區，令網民都覺得佢真·貼地啊！仲有人表示想佢做自己老婆添！

喺26號晚播出嘅《香港小姐競選決賽》入面，除咗有全晚hold住全場嘅Do姐，另外喺港姐泳衣問答環節入面，仲有3pair司儀，分別係曹永廉同蕭正楠、麥明詩同馮盈盈，仲有就係農夫。當中，頭兩pair都係第一次當上港姐司儀，而其中麥明詩同馮盈盈就獲得比較多嘅迴響。

Crystal Fung（@crystalfyy）分享的貼文於 PDT 2018 年 8月月 28 日上午 8:56 張貼

皆因佢兩個都算係比較近期嘅前港姐，再加上平時佢兩個都係貼地同大膽敢言嘅作風，網民都好期待佢哋嘅表現。而直播出街後，討論區都keep住有update，雖然麥明詩被話「窒」Do姐，但亦都有網民撐話「10a正咗好多」、「10afyy缺一不可」。

Photo from 連登截圖

而該環節完結後，馮盈盈就更被網民大讚有急才、反應快。事原係麥明詩問其中一位候選佳麗覺得邊位當選會覺得唔公平嘅時候，佳麗就被Do姐護航，麥明詩呻唔公平，然後就被Do姐秒串：「有乜唔公平姐，咁你都選到囉！你係香港小姐黎㗎嘛！」

Photo from TVB截圖

之後就引來一陣呼聲再加麥明詩一陣睇到都尷尬嘅笑容，馮盈盈隨即幫忙圓場：「係啊，好收聲啦，如果唔係又話我哋對呢為佳麗唔公平㗎啦」

Photo from TVB截圖

有網民仲post番當年盈盈參選時，泳衣問答環節嘅片段出黎話：「睇番啲正嘢」！

Photo from 連登截圖

當年盈盈被Do姐同農夫問問題，假設陸永係佢男友，要盈盈用一啲說話令陸永同佢啲豬朋狗友（C君）絕交，盈盈即刻用女友專利「反話」，叫陸永要多啲同朋友玩，唔好搵自己。陸永就話：「梗係啦，兄弟如手足，女人如衣服嘛！」盈盈即刻一句KO：「係？咁你依家試吓唔著衫黎睇睇～」可惜當時陸永疑似未get到，問返盈盈：「個關連性喺邊度啊？」

隨即有其他網友回覆話：「Fyy係有急才嘅」、「真心反應快」

Photo from 連登截圖

仲有網民捧佢為「連登仔最buy港姐」添！

Photo from 連登截圖

「農夫get唔到」、「陸永接唔到」等等。

Photo from 連登截圖

難怪會話盈盈屈機，仲有網民話想佢做自己女友，除咗靚同貼地，轉數仲好快添！

Photo from 連登截圖

節目完咗之後，盈盈都有喺IG發表千字文感想。

180826 又一年參與香港小姐這年度盛事由當初的參選佳麗到卸任港姐然後有幸成為司儀之一只能說一切都無比神奇感謝港姐這個舞台每次都帶給我新的機會新的經歷新的得著新的感受然而對我這位主持初哥而言要勝任港姐司儀絕非易事即使只負責其中一部分問答環節也好香港小姐美貌與智慧並重我們兩位師姐都有共識想從問答環節突顯佳麗們的內涵,思想和長處因此希望能針對每位佳麗的背景設計度身訂造的問題但一共有20位候選佳麗即使最後只需問四條問題在事前工作上我們倆也要準備十多條問題為十多位佳麗的背景做資料搜集這單靠我倆是無法完成的萬分感激大會編審團隊對我們的協助我們花了很多很多時間開會討論問題的方向研究每個佳麗的背景找出每人最獨特之處針對性地訂立問題再不停修正要有難度又要有發揮又要學術性與娛樂性俱備這是一個新做法新嘗試我們可能在平衡各方面上拿掐得未夠準確舞台應對經驗也未夠豐富但師妹們的回應和表現都讓我們眼前一亮她們出色又得體的答案充分反映了她們的急才和知識當中一些有趣的互動更掀起了全晚其中一個高潮? 當然要首先多謝Do姐在台前不斷為我們圓場和主持大局在台後她亦樂意與我們後輩大方分享主持技巧和心得不時指點改進之處並盡力配合我們的新想法和提議她真是一位敬業樂業又和藹可親的前輩是我們的模範另外今晚節目能順利完成全賴各位前輩司儀的帶領和台前幕後的努力我自知仍有不少不足之處唯有鞭策自己要繼續努力希望再有機會比大家見到我嘅進步最後要恭喜各位得獎者?雖然漫漫人生之後定會有更多難忘的新鮮事發生但直到現在當選的那一晚仍是我人生中最精采最喜悅的其中一個magic moment 希望你們都有好好享受和記住今晚☺ Wish you all a bright and beautiful year ahead✨ #2018MissHongKong #preciousexperience #以為問人問題好簡單 #原來殊不容易 #我寧願自己答番? #雖然中間火花四濺 #但總算製造到氣氛 #希望你地睇得開心??‍♀️ #我地就真係死而無憾?

Crystal Fung（@crystalfyy）分享的貼文於 PDT 2018 年 8月月 26 日下午 3:18 張貼