download HolidaySmart 假期日常 app
7位藝人入行前職業大公開 唔講唔知陳展鵬捱咗21年 原來仲做過地盤?

7位藝人入行前職業大公開 唔講唔知陳展鵬捱咗21年 原來仲做過地盤?

生活熱話 娛樂新聞
By Jennifer on 04 Sep 2018
Digital Editor

藝人拍戲經常都會飾演唔同行業嘅人士,而唔少人喺入行之前都曾經做過其他職業,唔知對佢哋揣摩戲入面嘅角色有無幫助呢?

王喜

tvbPhoto from tvb

近來甚少喺電視螢幕上出現嘅王喜,最為人熟悉嘅作品一定係由佢擔任主演嘅《烈火雄心》系列,佢飾演消防員真係入型入格!

原來佢入行之前曾經做過救生員,之後1986年就加入咗皇家香港警察隊,任職期間佢喺一次事件中從火海救出一名警長、一名警校啱啱畢業嘅女警同一名仲未畢業嘅男學警,救人事跡更列入香港警隊十大英雄事件,好犀利啊!

王喜 facebookPhoto from 王喜 facebook

唔知係咪因為呢個原因,所以佢喺《烈火雄心》入面嘅演出特別出色!

胡定欣

胡定欣 weiboPhoto from 胡定欣 weibo

兩屆視后胡定欣喺中學畢業之後做過秘書,後來參加1999年嘅《全球華人新秀歌唱大賽》,仲入到最後四強!2001就加入無綫電視藝員訓練班,成為第18期藝員訓練生入行。

胡定欣 weiboPhoto from 胡定欣 weibo

胡定欣入行至今十幾年,出演過好多套電視劇,其中喺《皆大歡喜》入面都有飾演過秘書嘅角色,不過只屬過場,未有發揮演技嘅機會。

黃智雯

黃智雯 ig@wong_manmanPhoto from 黃智雯 ig@wong_manman

tvb當家花旦之一嘅黃智雯原來出道前曾經喺國泰航空做過3年空姐,2007年參選香港小姐,入圍最後五強,雖然未能奪得獎項,但就簽約無綫,出道做藝員。

黃智雯 ig@wong_manmanPhoto from 黃智雯 ig@wong_manman

tvb有唔少女藝員喺出道前都做過空姐,除咗黃智雯,仲有劉佩玥、譚小環、陸詩韻等等。

陳展鵬

陳展鵬 weiboPhoto from 陳展鵬 weibo

其實陳展鵬係無綫藝員訓練班第7期訓練生,1998年更加簽過唱片公司出單曲做歌手。不過金融風暴後,香港經濟低迷,陳展鵬工作大減,於是就跟打桌球認識嘅判頭落地盤工作。

但陳展鵬無放棄到佢嘅演藝夢想,佢先加入亞視,到2008年再次重返無綫,終憑《城寨英雄》「拳佬」一角奪得視帝!

蕭正楠

蕭正楠 weiboPhoto from 蕭正楠 weibo

原來蕭正楠同陳展鵬係小學同級同學,佢喺大學修讀電腦系,畢業之後做過電腦程式員,估唔到蕭正楠做過IT行業啊!

佢2001年參加歌唱比賽獲得冠軍後入行,02年簽約唱片公司後仲橫掃當年樂壇新人獎添!時隔多年同小學同學陳展鵬喺tvb重逢,呢啲咪緣份囉!

tvb Photo from tvb

王浩信

王浩信 weiboPhoto from 王浩信 weibo

Signal Wong 未入娛樂圈之前係做平面設計師,因為一次唱卡啦OK得到經理人發掘,之後正式成為歌手,簽約唱片公司,約滿後加入無綫,更喺2017年奪得《萬千星輝頒獎典禮》「最佳男主角」。

王浩信 weiboPhoto from 王浩信 weibo

佢話囡囡遺傳咗自己嘅設計天份,鍾意畫畫,兩父女更加以畫畫油顏色等方法溝通。

姚子羚

螢幕快照 2018-09-04 13.10.14

姚子羚入行以嚟多數飾演溫柔、淑女角色,但原來佢係籃球高手,曾經喺乙組球隊擔任前鋒,真係估佢唔到啊!

姚子羚 ig@elaine_yiuPhoto from 姚子羚 ig@elaine_yiu

姚子羚 ig@elaine_yiuPhoto from 姚子羚 ig@elaine_yiu

佢喺中學時已經係校隊成員,之後仲加入本地聯賽隊三年,直到去澳洲升學先離隊。佢喺2002年參加《TVB8全能主持比賽》奪冠後就加入無綫成為藝人,都做過唔少角色。

唔講都唔知佢哋入行之前做過唔同嘅工作,有啲真係估都估唔到啊!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel