download HolidaySmart 假期日常 app
《再創世紀》今日TVB首播!重溫《創世紀》5句經典對白!內有經典主題曲~

《再創世紀》今日TVB首播!重溫《創世紀》5句經典對白!內有經典主題曲~

生活熱話
By Ivory on 10 Sep 2018
Digital Editor

《再創世紀》只有郭晉安參與晒兩套《創世紀》同《再創世紀》,經典人物陳錦鴻+羅嘉良都無緣新劇,大批觀眾嘆可惜。雖然如此,新劇亦都有重量級演員坐鎮,例如:郭晉安、林文龍、林嘉華、楊怡......

《再創世紀》劇照Photo from 《再創世紀》劇照

《再創世紀》Photo from 《再創世紀》

馬志強

再加上有報導指,雖然《再創世紀》喺內地開播初期,收視唔算高,但內地網民對《再創世紀》一致有好評,更有人話會放棄追近期熱爆嘅《延禧攻略》,轉追《再創世紀》。睇嚟大家對《再創世紀》期望幾高。

微博Photo from 微博

喺睇新劇之前,不妨一齊重溫《創世紀》嘅經典對白!

1.許文彪-呢個世界公平咩?
「我唔係冇試過!我試過安分守己,日搏夜搏,掙得嗰一萬幾千!我試過!但係出面嗰班人、出面嗰班人,佢哋識建築識起樓咩?佢哋只係攞少少錢出嚟,攞少少時間,炒起個樓市就不斷賺大錢!咁叫公平咩?你出去問下人!是但問一個人,問下佢哋需要啲乜嘢!佢哋答案好簡單,只係想要一間好普通好普通嘅樓!點解佢哋要用成世人嘅時間去供一層樓?因為啲有錢佬喺度玩嘢啊!!越有錢越有得玩啊!呢個世界公平咩?呢個世界公平咩?!」

《創世紀》Photo from 《創世紀》

2.葉榮添
「許文彪!你知唔知你最乞人憎嘅係咩?就係你永遠做錯事都以為係人哋連累你,你一啲錯都冇!」

《創世紀》Photo from 《創世紀》

3.葉榮添-一出世就害人
「人生就係掙扎生存,就係因為多災多難,所以先有意思。你諗下,邊個一生落嚟唔係喺度害人?你媽陀你十個月佢唔辛苦咩?湊大你,佢唔擔心啊?你男同學追 唔到你,佢唔傷心咩?你每科考A係因為其他同學只能夠考E去成就你。所有事都係害人。原來呢個世界就係咁,很出奇咩?最重要嘅係睇你自己夠不夠堅強!」

創世紀Photo from 創世紀

4.霍景良-呃人定畀人呃
「你睇下出面啲樓,我夠膽講十棟有九棟係呃番嚟嘅,就睇你係呃人嗰個定係畀人呃嗰個!」

《創世紀》Photo from 《創世紀》

《創世紀》Photo from 《創世紀》

5.霍景良
「香港人朝朝9點鐘逼車翻工,每個月都係賺一萬幾千,死慳死抵買股票,妄想一朝發達,佢哋根本唔知真正嘅贏家係邊個!」

《創世紀》Photo from 《創世紀》

以前嘅演員個個都好好戲,「霍景良」、「葉孝禮」奸嘅就奸到出汁,許文彪角色性格轉變合情合理,情節嘅高低起伏,完全掌握住觀眾嘅心情,不愧為神劇!

《創世紀》Photo from 《創世紀》

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel