娛樂圈又一大喜訊！10月中行禮低調設宴 陳展鵬宣佈與單文柔拉埋天窗

嘩！！！娛樂圈又一大喜訊！早前煎pan就同女友去咗英國旅遊，現年41歲嘅陳展鵬今日就隔空宣佈同認識2年嘅女友單文柔結婚喇！

陳展鵬希望用最大嘅努力同單文柔建立一個美滿嘅家庭。

聲明如下：

2018年9月10日（星期一）

各位親愛的傳媒朋友、各位好友，多謝大家一直對我的支持和包容。今日，好高興同大家宣布，我要結婚啦！

一路以來，我都全情投入工作，直至Phoebe的出現，讓我們感受到幸福和信任。對於感情方面比較傳統的我，是時候用我最大的努力去建立一個美滿的家。多謝大家的關心，希望得到你們的祝福。

展鵬

陳展鵬接受訪問時表示：「佢係喺香港求婚，而且已有一段時間。」

佢哋兩人早前仲去咗法國同英國的影婚紗相，展鵬自爆去英國影原來係有原因㗎，說：「Phoebe成日覺得我未必夠膽喺街頭度求婚，而佢好喜歡英國同埋喺個度讀書，我希望留住呢一刻回憶，就做咗呢個畫面畀佢。」

另外，佢仲話佢哋喺英國時有好多小插曲：「好多嘢都係去到當地再買，好似我套西裝，因為想再有唔同嘅嘢，今次影相亦好刺激，除咗可以同大家分享，拍嘅時候亦驚畀人影到，如果有一張畀人放上網，成件事就會穿咗，所以成個過程好刺激！」

展鵬仲提到佢哋己經決定好會喺10月中行禮，而擺酒方面，佢就話會低調處理，唔會大搞，只會宴請雙方家人、長輩同親戚等。至於生B方面，佢就指已經隨時ready!

最後祝佢哋百年好合！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）