download HolidaySmart 假期日常 app
王傑宣布正式退出樂壇?自稱被瘋狂抹黑 「收山」專輯都要叫停!

王傑宣布正式退出樂壇?自稱被瘋狂抹黑 「收山」專輯都要叫停!

生活熱話
By Ivory on 11 Sep 2018
Digital Editor

王傑今個月7號(9/7)喺自己微博發表《珍重》文章,內容大概係宣布自己從此退出樂壇!

王傑微博Photo from 王傑微博

王傑不但情路坎坷,星途亦十分崎嶇。上年(2017年),王傑喺內地嘅清談節目入面,公開透露曾經被人落毒毒啞,以致曾經有段時間講唔到野,仲不斷甩頭髮,康復後,靚聲不再。佢話:「我最鍾意、珍惜嘅頭髮甩剩20%,每日喺廁所痛哭,唔敢面對自己,最後只能拎油漆整花塊鏡!」。

王傑微博Photo from 王傑微博

王傑係台灣創作歌手、活躍華語樂壇嘅巨星,曾經被傳媒喻為台灣四大天王。佢嘅代表作有:《一場遊戲一場夢》、《忘了你忘了我》、《是否我真的一無所有》、《孤星》、《故事的角色》、《幾分傷心幾分痴》、《誰明浪子心》、《傷心1999》等。佢形象不羈,又有一把天生憂鬱嘅嗓音,所以有「歌壇浪子」、「憂鬱歌王」等稱呼。

王傑FacebookPhoto from 王傑Facebook

2010年,佢上內地清談節目《魯豫有約》時講起同第二任妻子莫綺雯生嘅兒子嘅時候,佢哽咽咁話:因為當時太多負面新聞,令自己嘅小朋友(一仔一女)曾經相信自己好賭、好酒、好打人。嗰陣同第二人妻子搞離婚嘅時候,法庭將兒子嘅撫養權理所當然地判比前妻。而佢就唔能夠接近自己嘅兒子,同兒子嘅距離不得超過500公尺!正因如此,有次佢特登去溫哥華,仔仔讀緊嘅學校探望仔仔。仔仔望住佢,但完全認唔到佢!佢咁感到非常痛心!

王傑微博Photo from 王傑微博

王傑FacebookPhoto from 王傑Facebook

王傑喺1987年以《一場遊戲一場夢》喺台灣走紅。2009年香港約滿之後,佢自己創作咗首新歌《我知道我是一個已經過氣的歌手》自嘲。此後多咗喺中國大陸舉辦演唱會。2017年自爆喺香港被人落鉛毒,令喉嚨受損,嗓音沙啞。2017年宣佈將會出版最後一張專輯結束歌手生涯。然而,2018年5月卻宣布最後專輯腰斬。

廣告
廣告

王傑facebookPhoto from 王傑facebook

喺2018年9月7日,王傑喺微博發表文章,指傳媒不斷地搬弄是非、抹黑自己!唔想再留喺一個黑暗漩渦入面,從此做番個浪子!全文如下:

王傑Photo from 王傑

從小到大經歷過太多難以置信的遭遇,這一路跌跌撞撞,段段坎坷到如今,不可思議的見識到媒體記者及節目名嘴為了利益能昧著良心把黑的說成白的,白的抹成黑的,經歷了這段黑暗歲月的蹉跎,長年的抺黑雖已片體鱗傷最終家散親離,但郤令我內心更加堅強與成熟,再無畏懼,感謝上天賞賜如此多的凡間歷練給我,但似乎也多一點,就讓我的故事在此畫下休止符吧⋯⋯

我自己的命運由我自己主宰,我自己的將來由我自己掌舵,黑暗絶不會永無止盡的延續,淡淡一個天真的微笑,我帶著自己的驕傲離去了,縱使繁華落盡,我依然是我,從沒變過!再遠的異鄉!也能找到一個讓我停泊的港口,無牽無掛過著浪子的生活!無論我們彼此熟悉或不曾相識,從此我是我你是你,都忘了吧⋯或許有緣相遇時,就當彼此陌生,擦肩而過就好,無需言語無需回頭再望⋯⋯珍重,告別...​​​​

大家以後有機會冇得再見到王傑出現喺台上/電視螢幕上~依家就等我哋一齊重溫佢3首經典金曲!

《不浪漫罪名》

《一場遊戲 一場夢》

《幾分傷心 幾分痴》

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel