download HolidaySmart 假期日常 app
頒獎禮前哨戰! 三大台慶劇搶先睇!麥明詩回歸本行做律師 王浩信/楊明/伍允龍大鬥演技

頒獎禮前哨戰! 三大台慶劇搶先睇!麥明詩回歸本行做律師 王浩信/楊明/伍允龍大鬥演技

生活熱話 電視電影
By Jennifer on 14 Sep 2018
Digital Editor

每年嘅台慶頒獎典禮都係TVB嘅一大盛事,而上年就為咗等埋重頭劇《溏心風暴3》播出而將頒獎典禮延遲到今年1月舉行,而今年將會維持以往做法喺12月舉行,所以嚟緊就係播台慶劇嘅時候喇!

今年有3套台慶劇,包括由馬德鐘、劉佩玥、何廣沛主演嘅《跳躍生命線》;關禮傑、王君馨同黃智賢主演嘅《是咁的,法官閣下》;同埋由上屆視帝王浩信、飛躍進步男藝人楊明、伍允龍擔任三大男主嘅《兄弟》。

《跳躍生命線》由馬德鐘領銜主演,仲有何廣沛、劉佩玥、陳瀅、張曦雯、羅天宇同李佳芯聯合主演,圍繞救護員嘅生涯,呈現出救護員出動爭分奪秒救傷扶危嘅情況。

何廣沛 weiboPhoto from 何廣沛 weibo

馬德鐘飾演經驗豐富嘅現役救護總隊目,本來有幸福美滿嘅家庭,但因為一次醉駕車禍令妻子李佳芯失救致死,自此非常痛恨任意妄為嘅人。

TVB2018節目巡禮Photo from TVB2018節目巡禮

何廣沛飾演救護學員,之後成為馬德鐘下屬。

TVB2018節目巡禮Photo from TVB2018節目巡禮

故事圍繞兩人喺救助傷者嘅過程,慢慢明白救護員嘅陪伴,對於面對受傷同死亡恐慌嘅市民係極大嘅安慰。

飾演救護隊目嘅劉佩玥係馬德鐘姨仔、李佳芯個妹,之後同何廣沛發展為情侶。羅天宇飾演何廣沛細佬,同飾演急症室護士嘅陳瀅有感情線。

TVB2018節目巡禮Photo from TVB2018節目巡禮

TVB2018節目巡禮Photo from TVB2018節目巡禮

《跳躍生命線》係喺香港消防處全力支持同協助之下拍攝,揭示救護員每日徘徊生死之間嘅經歷,帶出「人生無常」、「尊重生命」嘅主題。

播出日期:10月8日
播映時間:逢星期一至五 20:30~21:30

《是咁的,法官閣下》由關禮傑、王君馨同黃智賢領銜主演,仲有麥明詩、黃子恆、車婉婉、梁烈唯聯合主演,主要圍繞關禮傑、王君馨同黃智賢嘅三角關係,講述新紮律師遇到嘅困難。

王君馨 weiboPhoto from 王君馨 weibo

黃智賢飾演大律師,同飾演資深大律師嘅關禮傑亦敵亦友,同王君馨係夫妻關係,不過兩人糾纏於離婚問題。飾演新聞主播嘅王君馨同關禮傑亦有感情線。

TVB2018節目巡禮Photo from TVB2018節目巡禮

TVB2018節目巡禮Photo from TVB2018節目巡禮

而喺劍橋大學法律系畢業嘅麥明詩今次喺戲入面做新紮大律師,亦同黃智賢有感情線。仲有車婉婉做法官!

TVB2018節目巡禮Photo from TVB2018節目巡禮

TVB2018節目巡禮Photo from TVB2018節目巡禮

故事圍繞一班新紮大律師遇到嘅困難同境況,由初初上庭時經常出錯然後慢慢成長,帶出作為香港核心價值嘅法治精神嘅重要性。

播出日期:10月29日
播映時間:逢星期一至五 21:30~22:30

《兄弟》由王浩信、楊明、伍允龍同朱晨麗領銜主演,仲有江嘉敏、劉穎鏇、石修、林韋辰、許家傑同陳庭欣聯合主演。

伍允龍 weiboPhoto from 伍允龍 weibo

主要講述因97年金融風暴而失散多年嘅三個親生兄弟大個後重遇,然後發現沖散一家人嘅背後原因原來埋藏住極大嘅陰謀。

伍允龍飾演大哥,係一名警察,亦都係拳手;楊明飾演保安人員、保鑣,係三兄弟入面嘅二哥;王浩信就飾演著名KOL、網絡教主,係最細嘅細佬。

TVB2018節目巡禮Photo from TVB2018節目巡禮

TVB2018節目巡禮Photo from TVB2018節目巡禮

女角方面,朱晨麗、江嘉敏、劉穎鏇三人係好閨蜜。朱晨麗飾演警察,同伍允龍有感情線;江嘉敏飾演保安,後來係王浩信私人保鑣,同王浩信有感情線;而劉穎鏇就飾演西洋拳女教練,同楊明有感情線。

TVB2018節目巡禮Photo from TVB2018節目巡禮

TVB2018節目巡禮Photo from TVB2018節目巡禮

TVB2018節目巡禮Photo from TVB2018節目巡禮

《兄弟》係一套動作警匪懸疑電視劇,並且遠赴菲律賓、英國取景,將會係三套台慶劇嘅壓軸之作,而上屆視帝王浩信有望憑住呢套台慶劇再次問鼎視帝寶座。

播出日期:11月12日
播映時間:逢星期一至五 20:30~21:30

三套台慶劇即將播出啦!大家又期唔期待呢?

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel