今昔中秋大不同 網友大呻:回不去了!好想要返以前嘅中秋

今昔中秋大不同 網友大呻:回不去了!好想要返以前嘅中秋

香港美食
ByCharlotteon21 Sep 2018

近年做節好似都無咩氣氛,連聖誕都唔夠以前咁普天同慶,黎緊就係中秋啦,討論區就有網友分享話「好掛住以前中秋節」,唔知你哋嘅中秋又有無同呢?

shutterstock
Photo from shutterstock

你哋今年中秋點過啊?係咪都係同親戚朋友食個飯就完?小編都記得以前仲係小朋友嗰陣,中秋嗰晚都玩到好夜,食完飯就會成班表兄弟姐妹落樓下玩燈籠。不過依家就唔再係咁啦,食完飯,吹兩嘴就完。一係就將玩燈籠嘅環節轉咗做一班人一齊打機,其實做節某程度上都係有個藉口俾一班人聚聚。不過就有網民覺得無咗從前嘅氣氛,有啲懷念咁話。

連登截圖
Photo from 連登截圖

1. 「一班細路喺屋企樓下」

同親戚食完飯,會一班人喺屋企食月餅賞月,大嘅有大嘅吹水,細嘅就可能喺屋企樓下個公園空地度玩,就算唔係玩燈籠螢光棒嗰啲,都會玩吓捉依因、狐狸先生幾多點嗰啲。依家食完飯可能就直接散啦~

連登截圖
Photo from 連登截圖

2. 「以前做完節返去玩,唔約都實撞到人」

開始大個嘅時候,同親戚食完飯賞完月就會去搵班friend玩,如果咁啱班friend都係住附近,就真係可以落個樓就撞到,約都唔洗約。依家?可能大家都有大家要忙嘅嘢啦,就算係約可能都係去飲吓嘢聚吓。

連登截圖
Photo from 連登截圖

3. 「一兩點街度仲好多人玩爉燭燈籠」

連登截圖
Photo from 連登截圖

因為中秋翌日一定係公眾假期,多數人都唔洗返工返學,咁就可以玩夜啲,雖然都係會聽到阿媽叫自己「唔好玩咁夜啦!」但係就係唯一一日媽子講完就算,唔會真係捉你返去。依家一兩點可能真係靜過宇宙。

4. 「以前樓下塊空地坐滿人玩燈籠」

連登截圖
Photo from 連登截圖

幼稚園或者小學嘅時候都會同屋企人去文具舖,叫佢哋買嗰啲卡通電燈籠俾自己。而且仲係有音樂,應該係話走走哋音嘅音樂。

連登截圖
Photo from 連登截圖

大個啲,屋企人開始俾點蠟燭玩紙燈籠,然後細細個會好驚入面支蠟燭會燒到層紙。

5. 「玩蠟燭都要搵位先玩到」

shutterstock
Photo from shutterstock

留意返!無論玩蠟燭定煲蠟都係唔啱嘅!不過喺n年前香港未捉人玩蠟燭捉得咁勁嘅時候,落樓總係見到有人偷偷哋玩蠟燭。

連登截圖
Photo from 連登截圖

有網友就表示以前中秋係會通宵同班保安打游擊,避開佢哋玩蠟燭咁話喎。

連登截圖
Photo from 連登截圖

6. 「啲樹全部都掛住螢光棒」

shutterstock
Photo from shutterstock

其實依家少咗玩嗰啲即棄螢光棒係好事,因為真係真係好唔環保,而且處理不善仲會對環境造成好打影響!純粹講返以前,會將啲螢光棒整成一個個圈戴喺手手腳腳度,仲有啲人會扔上去屋企樓下啲樹度,咁就成棵樹都係一個個螢光圈,一棵棵螢光樹。不過都係嗰句啦,要自行清理製造出黎嘅垃圾,愛地球多啲啊!

連登截圖
Photo from 連登截圖

人大咗,開始對節日有啲模糊,可以講話係失去咗傳統特色,但亦可以慶幸仲有做節聚舊嘅心。Anyways希望大家過一個開心嘅中秋節!依家約人仲未遲㗎!

連登截圖
Photo from 連登截圖

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook