![高錕逝世 為造福世人 不為錢財 不曾後悔未有為光纖申請專利 望終有一日人人可免費上網](https://image.presslogic.com/holiday.presslogic.com/wp-content/uploads/2018/09/cover10.jpg?auto=format&w=718)
高錕逝世 為造福世人 不為錢財 不曾後悔未有為光纖申請專利 望終有一日人人可免費上網
琴日下午(23日)傳黎令人悲痛嘅消息,「光纖之父」高錕逝世,終年84歲。高錕嘅無私,得到世人景仰。佢嘅洞悉先機,佢嘅堅持,佢嘅無私,為世人帶黎依家嘅方便。
Photo from 路透社
「光纖之父」高錕,曾經係中文大學前校長,亦係諾貝爾物理學得獎者。
Photo from 「中大五十•人」高錕片段截圖
高錕喺六十年代提出光纖理論,佢喺電子通訊科技並未普及嘅當時,就已經預計將來社會對資訊需求定會大增。高錕提出以相對於當時嘅電纜及無線電傳送擁有更大資訊容量嘅光纖技術通訊,而且光纖基本材料成本亦不高,理應大有發展空間。
Photo from shutterstock
可惜當時光纖理論仍屬初步階段,技術發展並未成熟,外界並唔睇好,更有媒體嘲笑佢「癡人說夢」。
Photo from shutterstock
慶幸高錕並未有因此放棄,繼續研究光纖技術,喺高錕發表《光頻率介質纖維表面波導》論文嘅4年後(1970年),美國康寧公司(Corning)成功研製光纖,其後光纖技術不斷被改良,直至1980年,第一套商用光纖通訊系統終於面世。
Photo from 中文大學
而光纖技術通訊嘅誕生,令通訊成本大大降低,直至今時今日光纖仍然係通訊技術嘅主流。而喺呢嗰有部分人被金錢利益蒙蔽嘅社會,為自己嘅研發申請專利賺取金錢看似係再平常不過嘅事,但係高錕並未有咁做。
Photo from 中文大學
高錕曾經喺受訪時提到自己完全唔後悔無為光纖技術申請專利,認為如果事事以錢為重,光纖技術嘅成果一定會大打折扣。
Photo from 視覺中國
佢亦表示自己其實有一個未完嘅夢想,就係希望網絡可普及到一個,讓未來嘅用戶能夠免費上網嘅程度。
Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)