日本大學研究：麥當勞薯條或者可以解決脫髮問題？

有冇人同小編一樣，好鍾意食麥當勞嘅薯條呢？雖然好多人話佢油炸，唔健康，但係原來佢都有可取之處！

Photo from shutterstock

根據日本國立橫濱大學研究團隊喺科學期刊《生醫材料》（Biomaterials）2月號發表嘅論文指出，快餐店薯條嘅炸油入面，含有能夠幫助治療禿頭嘅化學物質，叫「二甲基聚矽氧烷（Dimethylpolysiloxane，簡稱DMPS）添加物，可以令幹細胞製造大量毛囊胚胎（hair follicle germs，HFG），或者激發毛囊幹細胞，有助頭髮增生。

Photo from pinterest

實驗團隊先加嗰種添加物喺毛囊到，隨後發現能夠一口氣製造出5000個毛囊胚，並且將嗰啲毛囊胚移植到實驗老鼠嘅背脊同頭皮上之後，禿毛位都順利生出新嘅毛髮。

簡單嚟講，麥當勞薯條嘅油可以改善脫髮/禿頭危機，目前未有證據顯示食薯條可以防脫髮。

Photo from shutterstock

二甲基聚矽氧烷係一種常見嘅化學用「矽膠」，如果加喺食物入面（例如：麥當勞薯條）就係為咗防止喺炸嘅過程中令食用油周圍彈。

雖然麥當勞薯條係有可取之處，但係都要適可而止～否則會引申其他嘅身體問題！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）