【晚晚瞓瞓吓覺半夜扎醒？】研究：唔同時間失眠代表唔同情緒問題

相信大家都試過瞓瞓吓覺半夜「扎醒」，間唔中出現好小事，但如果持續出現呢個情況，而且每晚扎醒嘅時間都係差唔多鐘數，咁就要注意吓啦！有外國醫學網站指出，原來喺唔同時間扎醒，代表著你嘅情緒同身體出現唔同毛病！

入睡後，我哋嘅五臟會喺唔同時間為身體排毒、調節機能。中醫認為，情緒對應五臟，人成日喺某個時間瞓唔到覺，其實暗示梗相應嘅情緒問題：

9pm-11pm

呢段時間係我哋理應入睡嘅時段，內分泌系統會重新平衡和補充酵素，同管理荷爾蒙同新陳代謝。如果喺呢個時候無法入睡，又或者瞓吓又醒吓，就代表你嘅精神仍處於過度興奮或緊張，要嘗試平靜思緒。

Photo from shutterstock

11pm-1am

唔少香港人都會喺呢個時候先瞓，但如果您喺呢個時候總係瞓唔到，表示住你有沮喪同負面情緒壓抑。同時要留意，呢段時間係膽囊係分解脂肪時間，情緒長期壓抑會有害膽囊健康。

Photo from shutterstock

1am-3am

呢段時間扎醒或失眠，表示你累積太多憤怒、沮喪等負面情緒，因心情起伏太大而導致無法入睡。

3am-5am

呢個時候入睡，肺部會自我修復同為身體機能注氧。中醫認為肺氣弱同「過憂傷」有關，呢個時候扎醒，可能代表你內心過份悲傷同憂鬱。

Photo from shutterstock

不過點都好，每個人瞓得唔好各有不同原因，上面嘅分析都係只作參巧。如果經常受到失眠困擾，就真係要搵醫生幫手搵出真正原因呀！

資料來源：healthycures.org

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）