盤點5套經典醫療劇！講起做醫生，你會諗起邊個？程至美定一件頭？

最近播緊嘅《跳躍生命線》，以救護員為主題，網民對佢嘅評價好壞參半。依家就同大家重溫下5套TVB經典嘅醫療劇！

1.妙手仁心（I、II、III）
當年拍攝《妙手仁心》得到醫管局全力配合，劇中嘅醫學常識同場景都非常逼真，所以當年第一輯嘅《妙手仁心》大受歡迎，仲拍咗2次續集！

Photo from 《妙手仁心》

大家仲記唔記得吳啟華嘅醫生look？真係做到入晒屋！

2.天涯俠醫
以無國界醫生為題材，仲有張家輝、郭羨妮、林峰同唐寧，為求逼真，攝製隊仲遠赴東非肯亞同廣西拍外景！

Photo from 《天涯俠醫》

Photo from 《天涯俠醫》

3.仁心解碼
呢套劇由方中信同徐子珊做主角，仲有黃浩然、蔣志光、岳華主演。劇情圍繞精神科問題，唔單止有醫療部分，仲有偵探/查案元素，令成套劇變得更加緊湊緊張！

Photo from 《仁心解碼》劇照

Photo from 《仁心解碼》

4.On call 36小時（I、II）
數近年最好睇同最受歡迎嘅醫療劇，On Call 36 小時一定走唔甩啦～唔記得套劇講乜，都一定記得「一件頭」馬國明同「魚仔」楊怡！唔記得全套劇提過幾多個醫療部門，但一定記得心胸肺科同神經外科！

Photo from 《on call 36小時》

Photo from tvb

Photo from 《on call 36小時》

5.實習天使
故事主要圍繞一班實習護士，有岑麗香、洪永城、陳煒、單立文、劉佩玥、姚子羚同吳若希！洪永城飾演資深護士/魔鬼教官，凡親畀佢教嘅護士，都會畀佢鬧到狗血淋頭！表面上故意刁難實習護士，實際上就為佢哋好，想佢哋儘快適應內科部門嘅繁重工作！

Photo from 《實習天使》

Photo from 《實習天使》

Photo from 《實習天使》

當中有一句由黃子恆講嘅對白「你哋啲護士做唔到嘢不特止，只係識喺到製造麻煩！」觸動唔少護士嘅心！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）