【世界糧食日】7種瀕臨絕種食物 以後隨時無得食花生

全球暖化問題越嚟越嚴重，無論係動物定係植物都面臨絕種危機，溫室氣體嘅排放會影響某啲地區生物嘅產量，令食物數量越嚟越少，最終會滅絕消失，以下呢7種食物就係高危嘅瀕臨絕種食物。

1. 花生

Photo from shutterstock

Photo from shutterstock

平時花生就食得多，但原來花生面臨緊絕種危機。因為太熱嘅天氣會令花生難以生長，甚至會將啲啱啱生嘅樹枝燒爛，造成花生產量短缺，令花生醬等花生副產品價格上漲。

2. 朱古力

Photo from shutterstock

朱古力係唔少甜品嘅製作材料，更加係2月14號情人節必備嘅禮物。朱古力嘅原材料可可樹生長喺西非，需要喺氣溫穩定、潮濕、有充足雨量嘅環境下生長，而氣候變暖會令雨水變少，不利於可可樹嘅生長，令朱古力產量減少。

3. 三文魚

Photo from shutterstock

小編去親食放題都一定會點嘅三文魚原來亦都有絕種危機，喺全球暖化影響之下，海水嘅酸性增加，令三文魚難以生存，再加上海水溫度上升，令海蝨數量急劇上升，亦都對三文魚嘅生存造成危機。

4. 咖啡

Photo from shutterstock

唔少人朝早都會飲返杯咖啡提提神，不過咖啡喺可見嘅將來有可能會消失。佔現時全球咖啡總產量70%嘅阿拉伯野生咖啡樹林正面臨滅絕，遲啲可能連咖啡都無得飲！

5. 意大利麵

Photo from shutterstock

呢樣嘢同意大利麵嘅原材料小麥有關。學術期刊《自然氣候變化》（Nature Climate Change）上有研究指出，地球氣溫每上升1度，小麥產量就會減少6%。而英國氣象局曾經喺2009年指出意大利氣溫上升、雨量減少，可能會令專門製作麵粉用嘅硬粒小麥產量大跌。有科學家預測去到2020年，正宗嘅意大利麵可能會喺世上徹底消失。

6. 提子

Photo from shutterstock

Photo from shutterstock

提子極易受天氣變化影響生長，氣候暖化令提子嘅成份有所改變，而提子嘅收成更加會影響葡萄酒嘅產量。自2004年開始，生產全球60%葡萄酒嘅歐洲國家，每年實際嘅葡萄酒產量都比預期產量少25%。

7. 蜂蜜

Photo from shutterstock

氣候暖化會改變開花時間，令到蜜峰無辦法採到足夠嘅花蜂，北美嘅蜂蜜產量已經逐年下降，喺採唔到足夠食物，蜜蜂會攰死或者餓死，最後甚至會絕種添！

今日係世界糧食日，大家要好好珍惜食物，正視氣候暖化問題嘅嚴重性。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）