跟住電影去打卡！《我的超豪男友》新加坡拍攝場地打卡點～一齊行入電影世界！

《我的超豪男友》上映左都一段時間，
大家睇完套戲有無覺得好想去返一轉新加坡呢？
入面唔少拍攝場地都好靚啊～
小編依家就同大家整理下！

讚美廣場（CHIJMES）

係戲入面柯林同亞敏嘅華麗婚禮係讚美教堂入面舉行！
讚美廣場現今仍保留完整嘅哥德式建築風格！
讚美廣場匯聚咗唔少餐廰、特色咖啡店同酒吧，日間是理想嘅夢幻婚禮場地，而晚上到訪就好有一番韻味！

Photo from shutterstock

濱海灣金沙酒店空中花園

新加坡地標之一相信大家都唔會陌生～
主角楊力同埋朱麗秋於就係無邊際泳池舉行派對！
呢度樓高57層，聳立於濱海灣之中。
頂層空中花園更設有世界上最大嘅天台無邊際泳池，遊客可一邊俯瞰新加坡夜景一邊飲酒～正！

Photo from shutterstock

Photo from shutterstock

安祥山

電影尾聲，朱麗秋選擇咗係安祥山舊街同楊力嘅媽媽會面！
安祥山位於牛車水附近，日間係一條優雅寧靜嘅舊街，晚上就變成一條餐館酒吧林立嘅街道！

Photo from shutterstock

濱海灣花園

柯林同亞敏嘅婚禮過後，係濱海灣花園展開了一場狂歡派對～
新加坡是世界著名嘅花園城市，而濱海灣花園更加係地標之一！

Photo from shutterstock

萊佛士酒店

楊力同朱麗秋入住嘅就係新加坡國家古蹟酒店萊佛士酒店！
萊佛士酒店充滿殖民色彩嘅古典風格，純白建築加上熱帶花園，被譽為新加坡嘅半島酒店！

預訂資料:萊佛士酒店

Photo from shutterstock

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）