日本19歲女跑手比賽途中骨折仍堅持跪爬200米交棒沿途民眾為佢加油！

Digital Editor

琴日喺日本福岡舉辦咗一場女子跑步接力賽，其中一名選手喺比賽中途受傷令佢唔能夠企起身，佢以膝行方式堅持跪爬200米交棒俾隊友。

呢個名為「Princess驛站接力賽」嘅接力賽總長度大約42公里。賽道分成六個區域，每隊派出六個選手以接力形式比賽。

19歲選手飯田怜代表岩谷産業出賽，負責第二棒，佢跑到距離交棒區200米嘅時候，同其他跑手有踫撞而跌倒。

飯田怜跌倒之後已經唔能夠再企返起身，但仍然堅持比賽，佢以膝行方式堅持跪爬200米交棒俾隊友，沿途嘅市民為飯田怜吶喊加油，佢嘅隊友見到飯田怜努力向交棒區前進亦都忍唔住落淚。

Photo from Princess驛站接力賽 Live

而飯田怜跪爬200米之後成功交棒，但由於用雙手同雙膝爬行，佢嘅手掌同膝頭都因為磨損而流血，賽後飯田怜被診斷為右腿脛骨骨折，至少需休養3～4個月。

Photo from Princess驛站接力賽 Live

而唔少網民都讚揚佢嘅鬥志，認為佢展現咗真正嘅體育精神，但亦都有人認為呢啲唔係體育精神，佢咁樣做有可能縮短運動員的生命，並質疑主辦單位同教練應該要阻止佢。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

日本19歲女跑手比賽途中骨折 仍堅持跪爬200米交棒 沿途民眾為佢加油！