愛回家熊尚善真係應承傻強同佢拍拖？！傻強真係要做安仔後父？

琴日嗰集愛回家再次搵傻強做主角。自從熊尚善喺Ocamp錫咗傻強一啖之後，傻強就愛上咗熊尚善！仲不惜一切做佢徒弟，主動搵機會親近佢。可惜，熊尚善一直都唔知傻強嗰心意。

Photo from 愛回家之開心速遞

有一次，因為熊尚善喺街畀人打劫，但傻強臨陣退縮，走咗佬，搞到熊尚善嬲到爆，仲決定同佢脫離師徒關係添～

Photo from 愛回家之開心速遞

Photo from 愛回家之開心速遞

Photo from 愛回家之開心速遞

畀人逐出師門嘅傻強，繼續諗辦法接近熊尚善，透過安仔畀佢上屋企幫熊尚善做家務、上堂前又幫佢霸位、又請佢飲西瓜汁，無論當面定WhatsApp都同佢道歉。不過，熊尚善死都唔領情，仲封鎖埋傻強添～

Photo from 愛回家之開心速遞

Photo from 愛回家之開心速遞

安仔就叫佢公公熊樹根同池子孝幫手做場大龍鳳，希望熊尚善可以原諒傻強。可惜一眼畀熊尚善識穿，仲擺咗圍酒，同傻強「堂前三擊掌」！

Photo from 愛回家之開心速遞

Photo from 愛回家之開心速遞

Photo from 愛回家之開心速遞

Photo from 愛回家之開心速遞

Photo from 愛回家之開心速遞

傻強因為咁，就變得非常頹廢！煮嘢食唔記得熄火、幼麵變烏冬，嚴重起嚟，仲唔記得著底褲添～

Photo from 愛回家之開心速遞

Photo from 愛回家之開心速遞

Photo from 愛回家之開心速遞

安仔、朱凌凌同啊壯就以為傻強雙失（失戀、失業），諗住傻強嘅女神係另有其人，就搵熊尚善求教！

Photo from 愛回家之開心速遞

熊尚善就過咗招「溝女絕招」畀安仔：「要打動一個女仔，最重要並唔係任何物質上嘅道具，而係需要佢嘅真心。你諗下喎，如果一個男人，佢就算冇把握都好，都夠膽大庭廣眾公然咁同女仔示愛，呢份心意係咪比世間任何物質，更能打動個女人呢？」

Photo from 愛回家之開心速遞

企喺隔離嘅潮偉聽到之後，若有所思～

安仔將個溝女絕招話咗畀傻強之後，傻強真係立即衝去同熊尚善當面表白。

Photo from 愛回家之開心速遞

而個結果......熊尚善竟然接受咗佢？！仲話同佢拍拖！唔通傻強真係要做安仔爸爸？！

Photo from 愛回家之開心速遞

Photo from 愛回家之開心速遞

Photo from 愛回家之開心速遞

Photo from 愛回家之開心速遞

Photo from 愛回家之開心速遞

如果我係安仔，都接受唔到！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）