download HolidaySmart 假期日常 app
常餐真係食極都唔厭!令人食上癮的叉燒意粉外的選擇~特滑嫩豪華「黑松露炒蛋多士」!

常餐真係食極都唔厭!令人食上癮的叉燒意粉外的選擇~特滑嫩豪華「黑松露炒蛋多士」!

美食推介 新餐廳推薦
By Charlotte on 18 Feb 2017
Editor

一個人食茶記開心,一班人食茶記一樣咁開心,茶記簡直是香港人的最大發明!華星冰室相信很多人也聽過,佢嘅例牌常餐基本是每一個去的人也會點,而小編最鐘意就係揀叉燒意粉,配埋多士、炒蛋同火腿,飲埋杯奶茶就最正!不過除咗常餐之外,華星都仲有另一個好多人都會點嘅例牌--黑松露炒蛋多士!

Christy Lam(@the_lazyfoodie)分享的貼文 張貼

華星冰室嘅炒蛋相信都唔洗介紹㗎啦!雖然分店越開越多,每一間分店嘅野食味道都有少少嘅分別,不過唯獨係炒蛋真係令人每次食都覺得好滑!大大份嘅炒蛋,上面再灑上黑松露,滑蛋的蛋味香濃再配埋黑松露,好豪華嘅感覺!而放在滑蛋下的滑麵包,吸哂啲蛋汁!原來個包都係精華!

@bigfacesloveeating 分享的貼文 張貼

@bigfacesloveeating 分享的貼文 張貼

早餐同常餐應該都唔洗介紹,雖然啲幾年嚟都由三十幾蚊加價加到四十蚊,份炒蛋又越來越細份(真係令小編每次見到份炒蛋都不禁有少少失望),不過叉燒意粉都仲保持到幾大碗,舊舊叉燒啖啖肉味道又好味,個意粉同湯底襯埋又係完美!每次都飲埋佢最後一啖湯!

@bigfacesloveeating 分享的貼文 張貼

hun9ry(@hungry9als)分享的貼文 張貼

年年二十五永不加價嘅校長多士,搽滿黑松露再加少少蒜容,上面灑上大量芝士烤至焦脆,未食過嘅小夥伴們都可以一試,不過如果係講滿足感嘅話,都係黑松露炒蛋多吸引啲!

CHERRIE HUI ?(@_cherriehui)分享的貼文 張貼

不過一份黑松露炒蛋多比普通炒蛋多貴成$22(無錯,係$22!)雖然真係有黑松露在炒蛋上面,不過其實要加$22的話,點普通的炒蛋多已經很完美了~炒蛋的份量一樣,分別就只有上面的黑松露啊!畢竟省下$22,還能另外點一份豬扒包,另外$2加凍飲都得…

詳情:
華星冰室
地址:
灣仔克街6號廣生行大廈地下B1號舖
筲箕灣筲箕灣東大街185-187號順景樓地下
旺角西洋菜南街107號地下
上環干諾道中168-200號信德中心3樓澳門廣場3018號舖

小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編~謝謝~)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel