日本貼紙相機公司宣佈破產！5萬部貼紙相機減到剩返1萬部～時日不再！

相信唔少人後生嘅時候都一定影過貼紙相機～
記得以前會同朋友影完之後一齊畫靚佢，然後剪完再過膠！
可惜專門製造貼紙相機嘅Make Software就係10月24日宣佈破產！

隨住智能電話普及，依家嘅貼紙相機真係買少見少～
就連旺角嘅貼紙相機都無以前咁多啦！

憔貼紙相機最流行的1997年，Make Software的營業額高達1千億円（約70億港幣）。
但4年前嘅營業額只有67億円（約4億6000萬港幣），今年更跌至22億円（約1億5000萬港幣）！
日本出生率下降同埋遊戲機中心減少都令到貼紙相機難以營運落去。

Make Software曾經係日本全國設置咗5萬部貼紙相機，但去到2013年就得返1萬部。
根據Make Software公司稱，現時負債總額約有21億円（約1億4000萬港幣），決定申請破產。

Make Software係宣佈破產前一個月仍有推出新嘅貼紙相機，所以破產消息都黎得幾突然。

其實近期嘅貼紙相機都愈黎愈先進，除左設計功能增加左唔少之外，仲可會自動美白、大眼、長腿等等，
唔少貼紙相機都推出月費功能，會員可以透過Scan QR Code拎返影過嘅相，
可惜貼紙相機始終回復唔到以前嘅風光呀～

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）