萬聖節無街去？留喺屋企重溫5套「搞笑又驚嚇」中外經典恐怖片啦

一年容易又到萬聖節！唔想外出狂歡嘅話，不如喺屋企同家人、另一半煲返套恐怖片應節啦！小編推介以下唔同類型嘅經典恐怖片，等你留喺屋企都充滿氣氛！

集體回憶：《回魂夜》

想驚得嚟又有得笑，星爺、莫文蔚主演嘅《回魂夜》絕對非睇不可！一於跟住星爺飾演嘅Leon，學無厘頭「俄羅斯練膽大法」去捉鬼啦！

Photo from 回魂夜

Photo from 回魂夜

已去世藝人侯煥玲，喺戲中飾演遭媳婦殺害嘅厲鬼，戲份唔算多，但喺電視奸笑、一打開個袋就見「死人頭」呢幾幕，就成功成為唔少香港人嘅童年陰影！想應節又點可以唔重溫吓！

Photo from 回魂夜

Photo from 回魂夜

泰恐怖：《嚇鬼阿嫂》

識睇鬼片一定要睇泰國片！由泰國鬼妻傳說改編而成嘅《嚇鬼阿嫂》，唔單止得個驚字，仲係喜劇同溫情片。

Photo from peemak

故事講到四位好兄弟同男主角戰後回鄉，點知發現「阿嫂」變成女鬼，各人又驚又避笑料百出。

Photo from peemak

另外，鬼唔一定係醜嘅，飾演「鬼阿嫂」嘅Davika Hoorne就擁有高顏值，同男主角至死不渝嘅「人鬼戀」更係唯美浪漫！

Photo from peemak

日系「驚」「喜」：《貞子VS伽椰子》

當兩大神級女鬼貞子、伽椰子相遇，結果竟然變成⋯⋯笑片！故事惡趣味十足，講述靈媒師提出用以夷制夷嘅方法，引兩大女鬼自相殘殺，破解魔咒。

Photo from 貞子vs伽椰子

最尾仲有兩大鬼后同埋俊雄「Battle」場面，無厘頭得嚟又夠創意，就算嚇你唔倒都可以當笑片睇吓。

Photo from 貞子vs伽椰子

西片推介：《戇Scout打爆喪屍城》

膽小怕鬼但又想有啲恐怖氣氛，不如睇吓集搞笑、重口味、驚嚇於一身嘅喪屍片《戇Scout打爆喪屍城》。故事講三位有啲戇戇哋嘅童軍主角，偷偷去參加高年級狂野畢業Party，諗住想脫「毒」點知遇著成堆喪屍瘋狂追殺！

Photo from Scouts Guide to the Zombie Apocalypse

Photo from Scouts Guide to the Zombie Apocalypse

《熱血喪男》

又想睇靚仔又想睇喪屍但又唔想咁驚，呢部輕口味嘅愛情恐怖片《熱血喪男》就合你口味啦！故事鮮有地以喪屍角度出發，小鮮肉喪屍男R一直過著「行屍走肉」嘅枯燥日子，直至遇上令佢回復心跳嘅人類少女Julie，展開一場革命性嘅「人屍戀」。

Photo from Virgin Megastore

Photo from Jeffrey Alan Schechter

戲中有齊喪屍片應有嘅刺激場面，又有細膩感情線同笑位，娛樂性豐富但驚嚇位唔多，幾細膽都可以一睇呀！

Photo from canalplus.pl

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）