download HolidaySmart 假期日常 app
真人真事改編!《我的破嗝Miss》天生不停打嗝+抽搐  求職5年誓要做老師  感化一大班曳學生

真人真事改編!《我的破嗝Miss》天生不停打嗝+抽搐 求職5年誓要做老師 感化一大班曳學生

時事熱話 生活熱話 電視電影 美食推介
By Rachel Lo on 09 Nov 2018
Deputy Managing Editor

唔少人對於「妥瑞症」都會感到陌生,而悲者會不由自主咁做一啲重複性動作,好似眨眼、發出叫聲等,而女主角拉娜就係會不斷打嗝同抽搐,對於教學嚟講係阻礙。

edko filmsPhoto from edko films

拉娜有優秀嘅學歷,立定決心要做個好老師,見工表現好,但就係每次都因為妥瑞症嘅打嗝同抽搐,令到佢每次都得唔到教職,做住freelance畫畫,尋尋覓覓咗幾年,終於做到老師,但就要負責一班被放棄嘅頑劣學生。

edko filmsPhoto from edko films

呢間學校雖然係名校,但拉娜負責嘅一班學生係「被放棄」、「被認為愚笨」嘅麻煩份子,就係因為佢地趕走咗唔少老師,先令到學校要請拉娜。

edko filmsPhoto from edko films

對於拉娜嚟講,呢班學生並非一學無術,佢地識用啲小聰明去整蠱佢,睇到佢地明明有才能,只係無人去發掘。

最重要係喺佢地身上就好似睇到自己嘅影子咁,被歧視、被放棄。拉娜就係好有一套教育方式,好有想法,但就係因為妥瑞症徵狀,令到好多人都嘲笑佢,就算佢嘅能力有幾高,都會被加以否定。

edko filmsPhoto from edko films

而班學生就因為出身,所以就算開頭幾努力,都不被學校重視,仲畀其他班級嘅學生冷嘲熱諷,所以先會自暴自棄。

兩者都被先入為主、被否定,令到拉娜更想教好佢地,尤其知道佢地係可造之材,更加諗更多生動嘅教學方式。

edko filmsPhoto from edko films

而電影都反映到好多時唔少人一出意外,覺得有人搞鬼就會諗起拉娜教嘅頑劣學生。偏見總係根深蒂固,就算係拉娜都要用咗好多時間同心機,令班學生聽佢講。

edko filmsPhoto from edko films

唔止係疾病,就算係出身背景都會引嚟唔少偏見、先入為主嘅想法,而拉娜嘅角色就係要將呢啲想法一一打破。

edko filmsPhoto from edko films

拉娜嘅爸爸扮演嘅就係自以為對拉娜好,但好多無心嘅舉動就好似標籤咗拉娜,令佢更加難受,亦代表住唔少人自以為善心,特別對待,其實都會產生另類嘅歧視,因為佢地需要大家對佢地好似普通人,而唔係強烈意識到自己嘅不同。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel