大埔山上隱藏紅磚建築！20世紀初殖民地建築，復古校園風滿滿～

呢個位於大埔運頭角里嘅紅磚建築，原來係英國殖民時期最早嘅民政中心黎嫁，仲係1981年被列入香港法定古蹟之一！

成棟建築物都係20世紀初殖民地建築，以紅磚建成，唔少人係度打卡都話好似「香港大學」！唔係住新界嘅朋友未必知係山上有呢個隱藏版嘅「香港大學」，絕對係真係周末打卡之選啊～
Photo from 大埔舊北區理民府

呢度叫舊北區理民府，係英國殖民時期租借新界嘅政府建築，當時就被用作民政大樓。
Photo from 大埔舊北區理民府

被列入香港法定古蹟，係極具歷史價值所以立例保育。而自2002年起，就成為左香港童軍總會嘅新界東地域羅定邦童軍中心。
Photo from 大埔舊北區理民府

建築大致可以分為南北兩面～而中間就有一個磚柱游廊，側邊睇仲有拱形門窗！真係好有特色，岩哂影靚相啊！
Photo from 大埔舊北區理民府
Photo from 大埔舊北區理民府
Photo from 大埔舊北區理民府

入面保留原用嘅煤氣街燈，真係好似走入復古嘅場景咁啊～
Photo from 大埔舊北區理民府

不過因為入面係香港童軍總會嘅辦公室，有部份區域係未經授權嘅情況下都唔可以入去，可以係建築物嘅圍欄外影相同觀賞～大家要留意喇！

即使係外面參觀打卡都好，都要注意行為同聲量，唔好喧嘩影響入面工作緊嘅人，要互相尊重啊～

南座因為之前打風榻樹，所以暫時唔會對外開放，大家留意喇！

大埔舊北區理民府
地址：大埔運頭角里
開放時間：09:00～18:00 （公眾假期不開放）
*再溫馨提醒一次，如果係以上時間以外任何時間，未經授權都唔可以進入嫁～

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）