鄭中基透露《龍咁威》出年拍第三集 原班人馬歸位 目標做後年賀歲片

鄭中基透露《龍咁威》出年拍第三集 原班人馬歸位 目標做後年賀歲片

HotTalk 熱門話題
By Presslogic on 08 Nov 2018

鄭中基嘅《龍咁威》系列係唔少香港人嘅集體回憶,「一係唔威,一威就要龍咁威」、「瑞士山區肺」呢啲對白簡直係經典中嘅經典!事隔十多年,鄭中基接受雜誌訪問就透露,將會開拍《龍咁威3》,再為大家發放笑彈。

鄭中基表示,《龍咁威3》原本打算今年年中開,2019年賀歲檔上映,不過而家計劃改為出年年中開拍,目標喺2020年賀歲檔同大家見面!電影將由鄭中基同谷德昭聯手執導。

Ronald Cheng 鄭中基@FB
Photo from Ronald Cheng 鄭中基@FB

龍咁威
Photo from 龍咁威

而演員陣容方面,有指《龍咁威》第一集嘅原班主角演員會全部歸位,包括鄭中基、李璨琛、張達明同埋女主角鄧麗欣。不過,鄭中基就話而家仲同Stephy夾梗檔期,希望佢可以繼續演出。

Stephy 鄧麗欣@Fb
Photo from Stephy 鄧麗欣@Fb

不過即使主角們全部回歸,有啲演員喺《龍咁威》系列嘅演出只能成追憶,好似係去年離世、喺《龍咁威2之皇母娘娘呢》演奀妹嘅魯芬。

龍咁威
Photo from 龍咁威2之皇母娘娘呢

想當年《龍咁威》以絕核搞笑諷刺時弊,相信大家都好期待《龍咁威3》會為香港人帶嚟更多驚喜!

龍咁威
Photo from 龍咁威

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic


鄭中基

Share to Facebook