download HolidaySmart 假期日常 app
《跳躍生命線》超強綠葉曾偉權超慘經歷 演繹多層次演技 連馬德鐘都話:「邊個編劇咁差心地!」

《跳躍生命線》超強綠葉曾偉權超慘經歷 演繹多層次演技 連馬德鐘都話:「邊個編劇咁差心地!」

生活熱話
By Ivory on 09 Nov 2018
Digital Editor

琴日嗰集《跳躍生命線》講到曾偉權飾演嘅何詠倫殺到麥在田屋企。當麥愛花同諾兒一番到屋企,就見到何詠倫坐咗喺度,仲向諾兒訛稱自己係麥在田嘅朋友。

開始時,佢心境平靜,對Diana好言相待,仲提議諾兒一齊整晚餐畀爸B食。

《跳躍生命線》Photo from 《跳躍生命線》

《跳躍生命線》Photo from 《跳躍生命線》

Diana想幫手一齊整Pizza,就畀何詠倫喝止,但之後秒變臉,解釋話佢著得咁靚,唔好整污糟佢。

《跳躍生命線》Photo from 《跳躍生命線》

鏡頭不斷影住何詠倫用刀,用剪刀,十足十變態殺手殺人前嘅狀態。

《跳躍生命線》Photo from 《跳躍生命線》

《跳躍生命線》Photo from 《跳躍生命線》

《跳躍生命線》Photo from 《跳躍生命線》

當諾兒整嘢食嘅時候,突然醒起冇同爸爸講游泳班改咗時間。本身何詠倫一臉慈父,聽到游水,佢又再變臉。因為佢個仔係游水浸死。但好快佢又變番慈父嘅樣,同諾兒傾計。當佢知道諾兒同佢個仔一樣游蛙式最叻嘅時候,佢將對仔仔嘅愛同痛惜都投放喺諾兒身上。

《跳躍生命線》Photo from 《跳躍生命線》

《跳躍生命線》Photo from 《跳躍生命線》

轉個頭,Diana諗住襯佢唔為意嘅時候報警,點知畀何詠倫發現,一手捉住Diana,另外一隻手就領住把剪刀,作狀想捅落佢度。佢真係嬲到震晒,個樣好似想殺死Diana咁!

《跳躍生命線》Photo from 《跳躍生命線》

《跳躍生命線》Photo from 《跳躍生命線》

麥在田番到屋企嘅時候搵唔到Diana同諾兒,就同何詠倫講數。開頭嘅時候,何詠倫充滿怨恨:「我個仔夠無辜囉,埋又係要死;我老婆呢?佢連螞蟻都唔會踩死一隻。」

《跳躍生命線》Photo from 《跳躍生命線》

麥在田問:「你都試過失去家庭嘅痛苦,點解你仲要傷害佢?」佢激動咁話:「係因為你錫佢哋,佢哋錫你!你有一個美滿嘅家庭!」當大家都以為佢妒忌麥在田嘅時候,佢突然轉換情緒,變得內疚,仲表示欣賞麥在田係個好爸爸、好細佬。

《跳躍生命線》Photo from 《跳躍生命線》

當佢道出仍然要對付麥在田一家嘅理由時,佢崩潰落淚、聲嘶力竭,又委屈又無奈咁話:「係因為...佢哋死晒啊!佢哋死晒啊!」

《跳躍生命線》Photo from 《跳躍生命線》

雖然佢嘅屋企人都死晒,但仍然有半點良知。「當我越查越深、越查越清楚嘅時候,你無可否認係一個好人。」佢仲話:「當份(死因)報告出咗之後,證實唔關你事,我冇得追究,更加冇辦法追究!」半年之後,佢老婆喺佢個仔出事嘅泳池外,撞車身亡,完全演繹到失去摯愛嘅嗰種委屈、椎心之痛。

《跳躍生命線》Photo from 《跳躍生命線》

佢唔單止冇再怨恨麥在田,更同佢講:「我以為搵個人畀我針對,我會好過啲。點知唔係,反而我個心更加唔舒服。係因為...我知你真係盡左力!」

《跳躍生命線》Photo from 《跳躍生命線》

面對間接/無意令到自己個仔死嘅人,佢竟然當面讚佢,體諒佢,曾偉權唔單止做到嗰種無力感,仲感染到觀眾!

最後,佢竟然自盡,話要落去一家團聚。麥在田深感同情,亦都話:「究竟邊個編劇,點解心地咁差!」

《跳躍生命線》Photo from 《跳躍生命線》

《跳躍生命線》Photo from 《跳躍生命線》

編劇嘅鬧自己心地唔好,呢個編劇真鬼馬!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel