幸福爆棚！兩位人妻難得同場 陳凱琳向單文柔請教生B秘方

早兩日，視帝陳展鵬同老婆單文柔就喺ig公布屋企即將迎來新成員嘅好消息，各位圈中好友都紛紛恭喜佢哋。

今日單文柔就現身出席活動，同場嘅仲有同樣喺今年升呢做人妻嘅陳凱琳。

Photo from WeddingLife Facebook

唔講唔知，兩位人妻有好多共通點，例如老公都係TVB視帝，又同樣係港姐出身，年紀都差唔多，應該有唔少共同話題！

Photo from WeddingLife Facebook

陳凱琳一見單文柔就上前擁抱祝賀佢，仲摸單文柔個肚添！唔知係咪想沾下旺氣，早日陀b呢？

而單文柔亦大曬幸福，指懷孕後夜晚腳抽筋，老公陳展鵬就為佢按摩，大讚老公手勢好！

Photo from 單文柔 ig @smyphoebe

問到想生仔定女，單文柔就話想生一個「Mini Pan」喎！但諗下又唔想兩個男性格一樣，認為性格唔同會易Handle啲。

Photo from 單文柔 ig @smyphoebe

佢指老公陳展鵬都鍾意女，所以生男生女都咁開心。

至於8月結婚嘅陳凱琳就認為如果生男可以陪老公鄭嘉穎打網球，生女就嗲啲似公主。

Photo from 陳凱琳 ig @ghlchan

問佢有無搵到生B秘方，佢就話：「仲未有時間請教Phoebe（單文柔）」難得同場，單文柔就教路：「去下旅行」，同埋唔好有壓力咁話喎！

Photo from 陳凱琳 ig @ghlchan

不過陳凱琳就話老公鄭嘉穎工作好忙，未有時間去旅行。不過佢哋咁恩愛，應該好快會有好消息喇！

睇見兩位靚太講起老公同bb都咁幸福，真係羨慕死人啊！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）