大阪直達奈良又多個選擇！新JR直通列車明年正式投入服務

唔少人去大阪玩時，一般都會去埋奈良、京都等地。而JR西日本早前就宣佈出年春季將會開通來往新大阪及奈良嘅直通快線，只需1小時就可以到達，咗樣以後大家來往大阪同奈良玩睇鹿就再多一個交通選擇喇！！

Photo from shutterstock

JR西日本將喺原有嘅大阪東線導入全新運行體系。第一步就係推出連接大阪同奈良嘅直通快線，平日來回大阪奈良各有4班（早上由奈良到新大阪4班、晚上新大阪到奈良4班），而六、日及假期亦會係來回各4班（早上由奈良到新大阪，以及新大阪到奈良各2班、晚上由奈良到新大阪，以及新大阪到奈良各2班）全程需時約1小時。

Photo from JR西日本

車費方便由新大阪到奈良單程為920円。

Photo from JR西日本

另外大阪東線嘅普通列車同時亦會開通由新大阪到放出站嘅路線，並新增「高井田中央」同「JR河內永和」兩個站，分別可轉乘大阪地下鐵中央線同近鐵奈良線，新路線仲係直達久寶寺添，全條路線約35分。除咗朝早同深夜，約每小時會有來回各4班列車運行。

Photo from Yahoo! JAPAN

以後喺新大阪去奈良玩就更方便喇！

Source：JR西日本