紐特4角感情線浮現！《怪獸與葛林戴華德之罪》8個必睇重點大整理

《怪獸與葛林戴華德之罪》於是11月15日上映，一眾Fans等咗兩年終於有得睇！同《怪獸與牠們的產地》嘅奇幻氣氛感覺不同，今次更加懸疑緊張，節奏明快。

Photo from WBPicturesHK

《怪獸》系列將會有5部曲，今次主要講返上集美利堅魔法國會(美國魔法政府機構)藉紐特幫忙，將黑巫師葛林戴華德拘捕，但畀佢走甩咗，仲集結信徒實行佢培育純種巫師統治麻瓜世界嘅大計。而鄧不利多為咗要阻止葛林戴華德，就搵紐特幫手。

Photo from WBPicturesHK

面對葛林戴華德帶來嘅危機，「所有人都必須選擇陣營」，就算好似鄧不利多同紐特都唔例外。今次喺結尾為大家帶來一個未必會估到嘅真相，為下集鋪下伏線，令觀眾意猶未盡，好想快啲睇到第3部，拆解今集留低嘅謎團！

Photo from WBPicturesHK

入場前可以睇睇以下呢幾個重點，有提及少量劇情～

Photo from WBPicturesHK

1. 鄧不利多同紐特上集去紐約有關
未睇嘅時候以為上集紐特只係單純打算將雷鳥Frank，送返去亞利桑那州嘅棲息地，然後偶爾被牽入葛林戴華德嘅漩渦中。

Photo from WBPicturesHK

而開場十幾分鐘就會講到呢件事同鄧不利多都有關係，所以到底上一集紐特牽涉其中，係意外定係有人刻意安排？

Photo from WBPicturesHK

2. 紐特4角感情線
上集無點著筆於感情線，估唔到今集嘅感情線會浮現出嚟。除咗大家好關注嘅鄧不利多同葛林戴華德，紐特嘅感情生活亦趨向明朗化。

Photo from WBPicturesHK

呢條感情線當然唔少得紐特同蒂娜，仲會有紐特嘅親生兄弟西瑟及其未婚妻，而且仲比想像中複雜。不過睇返上一集就會發現，原來蒂娜妹妹奎妮有同紐特傾計，輕輕帶過呢個話題！

Photo from WBPicturesHK

3. 見到意想不到嘅角色
會見到幾個意想不到嘅角色，好似後生版嘅麥教授、有個喺《哈利波特》第1集稍為提及過、甚至喺《哈利波特》第1集中某程度上幾重要嘅一個角色。

Photo from WBPicturesHK

以及喺預告見鄧不利多指導霍格華茲學生時代嘅紐特，去收拾幻形怪。企喺紐特後面嘅史萊哲林女學生，都會喺今集推動情節發展上面，發揮唔少作用。

Photo from Youtube＠WBPicturesHK

Photo from WBPicturesHK

4. 鄧不利多同葛林戴華德
相信好多fans都會幾關注呢條線，不過《怪獸2》比較少著墨喺後生時期嘅二人，只係輕輕帶過兩個人關係曾經比兄弟更親密。同埋比較多講而家嘅佢哋想借其他人之力，去阻止對方有咩行動。

Photo from WBPicturesHK

5. 娜吉妮喺《怪獸2》擔當嘅角色
當有消息指人類版娜吉妮喺《怪獸2》會有戲份，都令人不斷猜測到底佢會係呢到擔當咩角色？因為喺哈利波特系列中，佢喺企喺佛地魔個邊，但《怪獸2》預告中睇到嘅係佢好似喺係紐特個邊。

Photo from WBPicturesHK

今集會講到娜吉妮比起哈利波特時期更加人性化，而且有憐憫之心。佢仲同魁登斯有密切嘅關係！

Photo from WBPicturesHK

6. 魁登斯身世之謎
《怪獸1》時見到有一小縷闇黑怨靈逃走咗，所以魁登斯當然係未死，嗰時都無講到魁登斯嘅身世，只係話佢係被領養。

Photo from WBPicturesHK

喺《怪獸2》中，佢嘅身世成為咗成套戲嘅重點，到底佢係咩人？點解闇黑怨靈可以寄宿於佢身上咁耐，佢都仲可以生存到？係咪即係代表佢擁有龐大嘅魔力？

Photo from WBPicturesHK

7. 玻璃獸發揮關鍵作用
上次好得意咁周圍走嘅玻璃獸，今集戲份雖然唔多，但估唔到都會發揮咗一個關鍵性嘅作用，因為會推動到接落嚟嘅情節同揭開一啲真相。

Photo from WBPicturesHK

8. 同上集一樣無片尾彩蛋
都知道唔少人會期待片尾會有彩蛋，不過今次同上集一樣都係無，所以如果趕時間可以正片一完就離場～

Photo from WBPicturesHK

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）