download HolidaySmart 假期日常 app
情誼不變!賓治同學本尊現身小丸子追思會 送別好友+感謝櫻桃子創作自己

情誼不變!賓治同學本尊現身小丸子追思會 送別好友+感謝櫻桃子創作自己

生活熱話
By Mag on 19 Nov 2018
Digital Editor

動畫《櫻桃小丸子》作者櫻桃子於8月15日因乳癌病逝,享年53歲。佢嘅追思會上星期五喺東京舉行,現場有近千人前來哀悼,但當中最曯目嘅莫過於係動畫中「賓治同學」本尊,都遠道而來送別好友最後一程!

櫻桃子嘅追思會上並無放置佢本人嘅遺照,而係依照佢生前願望,擺滿小丸子嘅插畫同公仔,佈置得鮮艷明亮,以可愛卡通人物取代悲傷,溫馨地向大家作最後道別。

TwitterPhoto from Twitter

TwitterPhoto from Twitter

《櫻桃小丸子》中嘅角色都取材自櫻桃子現實中嘅親友、小學同學,當中同班同學「賓治」都難得現身。「賓治」本尊係現年52歲嘅濱崎憲孝,佢特意由家鄉靜岡前來東京,同童年老朋友櫻桃子道別。

TwitterPhoto from Twitter

TwitterPhoto from Twitter

「賓治」係小丸子嘅同班同學,立志成為搞笑藝人,係班上嘅開心果,更係小丸子親密玩伴,甚至搞笑地被傳過緋聞。而現實中嘅「賓治」同樣個性幽默,佢應記者要求下,擺出「賓治」呆呆嘅招牌表情。「賓治」仲話好感謝櫻桃子將佢創作成動畫角色。

《櫻桃小丸子》Photo from 《櫻桃小丸子》

雖然櫻桃子已離開大家,但佢同老朋友「賓治」嘅情誼,並無因歲月而消失。同樣地,佢嘅作品同所帶來嘅歡樂,相信會永遠留喺每個人心裡。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel