北風今晚駕到！聽朝分區氣溫最低降至16度 未來幾日顯著轉涼

今年冬天特別暖，11月都就完，唔少人都仲著梗短袖衫。不過天文台就預測，今晚深夜至清晨會有冷鋒殺到，氣溫將會顯著轉涼！

根據天文台天氣預報，本港今日大致多雲，早晚有一兩陣雨。日間短暫時間有陽光，氣溫介乎21至25度。

隨後一兩日顯著較涼，天色逐漸好轉，天氣乾燥。一道雲帶會喺下週初為華南沿岸及南海北部帶來有雨嘅天氣，本週日至下週初將會多雲有雨。

Photo from 香港天文台

現時吹和緩東風，一股季候風補充會喺今晚抵達華南沿岸地區，入夜後將轉吹北風。深夜至明日清晨會顯著轉涼 ，初時有幾陣雨，氣溫最低跌至18度。

Photo from 香港天文台

聽日嘅分區氣溫預測顯示，北區、新界西更最低更跌至16度。

Photo from 香港天文台

雖然唔算好凍，但大家聽朝出門都要記得預備多件外套同雨遮啦！

Photo from shutterstock

資料來源：香港天文台

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）