失落星馬視帝 馬國明暖心安慰粉絲 晒童年照賀自己微博終得認證

佛系藝人馬國明日前終於開咗微博，自開微博後，不時分享自己嘅生活點滴，同fans交流。

喺前日台慶上，馬明失落星馬視帝，唔少fans鄧佢心痛，微博上就出現咗「馬國明一直陪跑」嘅話題，不過向來愛同fans互動嘅馬明見到就即刻出po安慰fans。

Photo from 微博

馬明話：「看到很多評論……大家不用心疼我……其實上年 你們 已經 投票 頒發咗 最佳男主角 俾我……謝謝大家……仲有見到有 fans 話 之前發 張相 又有電線 又唔夠清楚……好啦好啦……又聽你們話……發多張啦……」

Photo from 馬國明微博

睇留言就知馬明有幾錫fans，有粉絲話佢之前po嘅相唔夠清楚，就再po多張相俾fans睇～證明馬明好留意fans嘅留言㗎！

Photo from 馬國明微博

fans受到馬明安慰，紛紛表示佢係大家心目中嘅視帝。

Photo from 馬國明微博

而馬明喺微博嘅留言都非常幽默，佢就曾經打過「馬國明放假一天」嚟抽自己水。

Photo from 馬國明微博

而開通微博之後，馬國明一直未有認證（認證佢係明星本人），唔少粉絲都話想佢快啲認證，所以馬明就喺自己po出嘅相入面畫上一個「v」嘅符號代替微博認證。

Photo from 馬國明微博

Photo from 馬國明微博

時隔十幾日，馬明嘅微博終於有官方認證啦！馬明開心到喺weibo到po出自己嘅bb相慶祝。

Photo from 馬國明微博

佢話有微博認證感覺好似有出生證明咁，真係好搞笑！不過留意返，佢配圖嘅bb相，其實都係有自己畫上去嘅「v」㗎！唔知之後佢仲會唔會喺相度畫「v」呢？

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）