90後香港女作家「不朽」作品 躋身誠品暢銷榜2位

香港出生嘅90後女作家「不朽」，佢嘅作品《想把餘生的溫柔都給你》成功登上誠品暢銷榜2位。

台灣誠品書店統計咗上年11月至今年11月嘅銷量之後，公佈年度十大暢銷書。其中，第二位《想把餘生的溫柔都給你》嘅作者就係香港女作家「不朽」嘅作品。

Photo from 誠品Facebook

不朽係1995年出生嘅香港女仔，今年啱啱喺台灣師範大學國文系畢業。2015年她開始用「不朽」喺IG發表文字創作，依家已經有19萬followers。

Photo from 不朽 IG

不朽表示自己嘅筆名係因為自己嘅情緒嚟得快走得快，但以文字記錄低自己嘅情緒，「它就成了一種不朽的狀態」。

不朽2017年出版佢嘅第一部作品《與自己和好如初》。2018年5月，出版第二部作品《想把餘生的溫柔都給你》。

《想把餘生的溫柔都給你》係一部散文集，當中談及人生嘅六大章節，包括青春、旅程、愛人、失去、時間同餘生，同埋從中得到嘅領悟：「寫的是我們經歷不同時刻裡所展現的溫柔」。

Photo from 不朽 IG

誠品形容不朽「用文字陪伴年輕讀者走過迷惘的青春」。

Photo from 誠品Facebook

「誠品書店2018年度暢榜TOP10 」入面，有唔少都係非常有名作家，包括有Dan Brown、龍應台、村上春樹、日本本屋大賞作家川口俊和、東野圭吾等。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）