download HolidaySmart 假期日常 app
美國研究:約會對象顏值會影響對方食量!同靚仔靚女出街自然食少啲?

美國研究:約會對象顏值會影響對方食量!同靚仔靚女出街自然食少啲?

生活熱話
By Mag on 10 Dec 2018
Digital Editor

「秀色可餐」相信大家都聽過,對住靚仔靚女食飯,原來真係可以令你食少啲!據英國《泰晤士報》網站報導,單身人士食量同約會對象嘅顏值有密切關係!

美國東卡羅來納大學搵咗639名異性戀美國大學生參與實驗,研究約會對象外表同自己飲食選擇間嘅關係。研究人員先俾參與者睇陌生異性嘅相片,並詢問如果相中人係「約會對象」嘅話,參加者會選擇咩食物作為午餐以及其原因。

而參加者並唔知道相片上嘅人其實已被分為「有魅力」、「無魅力」同「一般般」三個顏值等級。

shutterstockPhoto from shutterstock

研究結果顯示,不論男女,如果「約會對象」屬於「有魅力」嘅話,參加者會偏向選擇較低卡路里、相對健康嘅食物,食量也會減少。

相反,如果「約會對象」屬於「無魅力」或「一般般」,暴飲暴食嘅機率就會增加。有趣地,如果參加者本身已有伴侶,不論「約會對象」幾有魅力,都唔會影響所選食物嘅卡路里。

shutterstockPhoto from shutterstock

shutterstockPhoto from shutterstock

科學家解釋,呢個現象或者係男女雙方嘅潛意識投射,食得健康、分量小會俾心儀對象感覺更端莊,而且普遍女性認為食得健康,會被男性感覺更有吸引力同女性化。簡單嚟講,單身人士為喺顏值高嘅心儀對象留下美好印象,會特意選擇低卡飲食。如對方外表普普通通、唔太吸引嘅話,就食得隨意啲啦!

shutterstockPhoto from shutterstock

研究結果只供參考,不過如果單身人士想減肥成功,不妨試下約男/女神食飯,話唔定會減得更有效呀!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel