徐錦江同兩位「英雄」撞樣！Jason Momoa笑認:佢係我中國嘅化身！網民叫佢哋快啲合體！

DC漫畫電影「水行俠（Aquaman)」下星期就喺香港上畫！而內地就喺上星期5五率先播映，內地網民隨即發現男主角Jason Momoa 同徐錦江撞樣，無論身形、外貌都好似，仲話徐錦江可以開拍「中國版水行俠」咁話！

Photo from 微博@徐錦江

日前，「水行俠」男主角Jason Momoa 同女主角到內地宣傳，有傳媒拎咗張徐錦江嘅相畀佢睇，佢驚訝又搞笑咁話：「真咖？我有一個喺中國嘅分身？」，又話自己老咗之後就會同徐錦江一樣：「他的確同我有啲似，真係幾似！我好想見下佢！」，仲即刻叫助手搵徐錦江嘅資料畀佢睇添～

Photo from 微博@徐錦江

而「中國的分身」似乎一早就發現自己同「水行俠」撞樣。早喺上年正義聯盟（Justice League），又係「水行俠」初登大螢幕嘅時候，徐錦江喺內地同戲院門外嘅水行俠模型合照，仲打咗呢句Caption：「假作真時真亦假」！

Photo from 微博@徐錦江

水行俠嘅上映，帶挈徐錦江又登上微博熱搜～仲有網民話：「好想睇由徐錦江主演嘅水行俠！」

Photo from 微博@徐錦江

之前未有水行俠嘅時候，徐錦江已經畀人話佢同「雷神」基斯咸士禾夫（Chris Hemsworth）有9成似，有人仲將徐錦江Key落雷神嘅poster到，毫無違和感，要仔細睇先搵到唔同～

Photo from 微博@徐錦江

Photo from 微博@徐錦江

Photo from 微博@徐錦江

Photo from 微博@徐錦江

Photo from 微博@徐錦江

Photo from 微博@徐錦江

有媒體喺訪問雷神嘅時候，畀咗張惡搞圖佢睇，雷神搞笑話：「以後可以搵徐錦江咗我替身，或者係我咗徐錦江替身！」徐錦江睇到呢但新聞之後，隨即出Post話：「識英雄，重英雄！」

Photo from 微博@徐錦江

Photo from 微博@徐錦江

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）