完全唔似54歲！劉美君生日晒馬甲線 網友：操得夠完美

歌手劉美君（Prudence）啱啱就過咗54歲生日，不過向來活得健康嘅佢完全唔怕曝露年齡，仲不時喺instagram大晒三代同堂嘅合照添！

Photo from 劉美君@instagram

呢日佢就喺Instagram晒腹肌相慶祝。佢上載一張左邊係Chok爆做出「53」手勢嘅相，而右邊則係一張佢着住運動Bra Top做出「54」手勢嘅相，仲留言話：「Goodbye 53. Hello #54 !我天生就係一個崇尚自然嘅人，能夠激勵同鼓勵年輕人畀到我最大嘅快樂。我唯一嘅生日願望係繼續以身作則，成為最好嘅54歲女性！」

Photo from 劉美君@instagram

之不過唔少網民都畀佢嗰排「朱古力肌」吸引住，仲大讚佢嘅馬甲線操得夠完美，完全唔似54歲！

Photo from 劉美君@instagram

其實劉美君以前接受訪問時曾公開講過自己嘅塑身秘訣。

Photo from 劉美君@instagram

而佢嘅塑身秘訣就係早睡早起、做運動同自律嘅飲食習慣。佢指自己除返香港拍戲開騷之外，20年來一直保持每晚10時睡，早上6時起身，其餘嘅美容、護膚佢都好少理，只要食好睡好，就係佢嘅養生之道。

Photo from 劉美君@instagram

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）