旅遊手信｜9大禁忌紀念品要小心！日本傳統人形娃娃、神像或受詛咒

去外地旅行，少不免都會買返啲當地嘅特色產品，當作紀念或者送畀人做手信。但係唔係樣樣嘢都適合做紀念品，帶返屋企更分分鐘會有不幸！即睇下列9種傳言不吉嘅禁忌紀念品，日後去旅遊盡量避免購買！

1. 日本人形

日本人形係著住和服嘅人偶，最初用作祈福擋災，因為古時嘅日本人相信人偶能讓靈魂附身，因此喺部分神社等都會見到呢類型嘅人偶。不過唔建議大家買嚟做手信，因為人偶放置多年都會被認為已有靈性，所以唔好隨便帶返屋企，否則可能會變咗「安娜貝爾」！

2. 泰國佛牌

泰國有唔少嘅廟宇，去旅行時可能會買一啲佛牌甚至係四面佛，但由於佛牌同四面佛都有宗教嘅背景，應盡量避免自行購入，最好都係經過「專業人士」幫手挑選先買。

3. 埃及黑貓神像

古埃及人相信黑貓係掌管死亡嘅神靈，喺唔少壁畫中都會見到黑貓嘅身影，而埃及人亦認為黑貓會帶嚟吉祥。不過黑貓與法老關係親近，喺法老墓中亦可以見到黑貓神像，因此將黑貓神像帶回家或會被視為破壞法老沉睡而受到詛咒。

4. 土耳其邪眼

「惡魔之眼（Evil Eye）」，又稱為「邪眼」， 係一個藍白相間嘅同心圓飾品，有唔少土耳其人會將佢掛喺車上、家中等，亦係土耳其常見嘅一種紀念品。土耳其人相信惡魔之眼會吸收負面能量，不過吸取咗邪氣後一段時間，就要將其換走，否則吸收嘅邪力太多反而會對主人帶嚟不祥。

即睇更多人氣文章：
27歲內地男5年離婚8次 宣告第9次結婚 揸瑪莎拉蒂代步生活富裕
黎耀祥北上落街冇人認得？除去包裝被指冇星味：其實個樣好路人

5. 東歐嘅木製十字架

東歐流傳唔少吸血鬼、狼人嘅傳說，而當地亦常用木頭製作十字架、木釘等以作對付吸血鬼、狼人嘅工具，因此木製十字架等都被認為會沾上吸血鬼、狼人嘅邪氣。

6. 銅錢

銅錢喺風水上有化煞、闢邪等作用，但購買時好難了解清楚銅錢嘅來歷，所以易招不幸，最好都係避免買嚟做紀念品。

7. 夏威夷嘅沙

去夏威夷旅行都會見到告示牌警告遊客唔好取走當地嘅沙子，有指係印第安原住民下嘅詛咒，取走夏威夷土地嘅人都會被詛咒，所以千祈唔好貪得意攞走。

8. 蘇格蘭石頭

蘇格蘭石頭嘅傳說同夏威夷類似，有傳攞走石頭嘅遊客都有唔同程度嘅不幸事發生。

9. 骨頭工藝品

現時嘅骨頭工藝品絕大部分都係仿製品，但由於無法得知真正來源，有可能會有附有邪靈，最好唔好買嚟做紀念品。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）