前港姐王卓淇北上拍短劇揭內地每集收入低：TVB唔係最差㗎！

By Macy Sun on 12 Apr 2024

2014年港姐亞軍王卓淇（Erin）2021年與TVB完約後便離巢北上發展轉做KOL，不時都會拍短片分享生活點滴。而日前她就分享在內地拍攝網上短劇的情況，提到內地收入低只收幾百蚊一集，並為TVB平反指：「唔係最差㗎其實TVB」！

Photo from 王卓淇IG

王卓淇早前在抖音拍片回應為何離開TVB，大爆在無綫的每月人工完全不夠生活，租屋食飯都成問題。她坦言自己入讀藝員訓練班時月薪只有三、四千，當選港姐後與無綫簽約成為「親生女」，雖然待遇相對已算好較好但就仍然不足：「我第一個月只有7,000塊，就是真的不夠生活，租房子啊吃飯可能都勉強，然後到我離開的時候呢，其實也就漲到1萬多吧，也是很難很難。」

Photo from 王卓淇抖音

而近日王卓淇客串前TVB藝人何君誠有份投資的短劇時，就再拍片提及薪酬問題並為TVB平反。她表示現時自己內地拍短劇每集能收到的酬勞只有幾百港幣：「大家成日話TVB嘅收入唔高，喺香港嚟講係唔高，但係同內地短劇比呢，其實係OK㗎喎。因為呢度嘅成本係幾百蚊一集㗎咋，幾百到幾千，你好紅嘅短劇演員都係幾千蚊一集，除非你係一線呀，可能佢有一兩萬一集，但係一般都係幾百蚊一集嘅啫。所以TVB都有…一千幾千一集，仲低囉呢度！唔係最差㗎其實TVB，平反一下先。」

Photo from 王卓淇抖音

不過儘管收入未如理想，王卓淇亦對內地短劇的製作過程卻讚不絕口，她表示短劇成本低、製作快，而且收益高，高效率讓她不得不稱讚：「港劇係要拍一套戲至少三個月，其實唔止港劇，我相信好多內地劇都係拍三個月到半年，但係佢哋係可以六日拍完一套，好犀利，90集囉，當然一集係分零鐘，但係好勁囉呢個效率！」

Photo from 王卓淇抖音

然而對於王卓淇此次言論，就被不少網民反駁指：「你要對比翻物價，TVB就真係好低咯」、「TVB唔係一般低咯，當你2千一集，一套劇20集，要拍3個月，即係4萬除以3個月，平均13000一個月，去洗碗都好過佢啦」、「你試吓拍内地的綜藝節目或者内地的連續劇，相對都比TVB高，而且内地消費普遍比香港低」，而對此王卓淇亦有回應，指TVB「是間好學校」。

Photo from 王卓淇 IG

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

港姐亞軍王卓淇時隔3年再拍節目，太攰黑面怕被誤會扮大牌，望再返娘家合作

28 Mar 2023

2014年港姐亞軍王卓淇離巢TVB後，轉戰抖音，時隔3年再重歸幕前，拍友台HOY TV嘅旅遊節目《獨家旅行團》，王卓淇有一番感觸，更表示隨時候命，可以再同TVB合作。

Photo from HOY TV

近期TVB推出唔少旅遊節目，如《解風東京》、《請1日假去旅行》等，成功製造唔少話題，友台HOY TV都唔執輸，推出新旅遊節目《獨家旅行團》，由HOY TV節目《Summer Girls 2022》4位參加者及2014年港姐亞軍王卓淇(Erin)主持，帶大家發掘大灣區好玩好食嘅地方。

Photo from HOY TV

現年31歲嘅王卓淇於2014年參選港姐獲得亞軍，其後演出多部無線劇集，如《愛情食物鏈》、《幕後玩家》、《宮心計2深宮計》等，2017年，王卓淇於劇集《全職沒女》中首度分飾「范泰晞」及「蔡小柔」兩個角色而受到注目，佢於2021年離巢TVB，最後一部劇集為《逆天奇案》，其後轉戰抖音。

Photo from 《全職沒女》劇集截圖

有3年冇拍嘢、自由身嘅王卓淇表示相當唔慣，拍咗將近一個月，王卓淇受訪時表示好多年未試過連續做過咁多日嘢，一到夜晚就會攰到冇表情，不過佢一早同節目組講定，如果夜晚冇表情又唔出聲：「絕對唔係黑面！又或者心情唔好」、「只係因為太攰啦，我好驚啲人以為我扮大牌」。去到拍攝尾聲，王卓淇更一時間感觸落淚，雖然只係拍旅遊節目，但王卓淇認為「同做戲一樣緊要」，見到一同合作嘅拍檔，王卓淇表示諗返起啱啱入行嘅自己：「有好多前輩包容我、教我放鬆」。

Photo from 王卓淇 IG

拍片大爆TVB惹議

事實上，現時抖音達26.5萬粉絲嘅王卓淇，過去曾因拍片大爆於TVB拍片收入、港姐后冠價值、獎金等話題﹐而引起爭議。王卓淇表示TVB藝員訓練班一個月得3000～4000蚊，而港姐出身嘅佢待遇稍好，簽嘅係經理人合約，雖然係「親生女」，但王卓淇都試過一年冇戲拍，而人工方面，第一個月得7000蚊，比訓練班相對好啲，但「就真的不夠生活，租房子啊吃飯可能都勉強，然後到我離開的時候呢，其實也就漲到1萬多吧，也是很難很難。」又提到自己不善交際，因唔少演員都會同製作人打交道，同佢哋關係較好，因此開戲都會預留角色畀佢哋。

Photo from 王卓淇抖音

另外，亦拍片提到港姐后冠價值及獎金，王卓淇表示，得港姐冠軍后冠係贊助商嘅真鑽石后冠，價值過百萬以上，亞冠及季軍嘅后冠係TVB同廠家訂做：「應該是水鑽的后冠」。至於港姐嘅獎金方面，王卓淇指，佢嗰一屆嘅冠軍有5萬，亞軍就2萬，季軍則有1萬，另會送約1萬嘅購物券。但由於連續3條片提到TVB，有關內容引起網民不滿，認為王卓淇「消費TVB」，更直斥：「話晒都冇佢冇你，唔合適咪走囉，唔使離開就係咁踩人哋。」

Photo from 王卓淇抖音

望再與TVB合作

喺宣布開新節目時，王卓淇曾於拍片時感觸落淚，其後喺IG以「情人節快樂，我要重新拍節目了❤️想說句對不起」為題，為自己過往嘅「任性」道歉：「對不起給過我機會的前輩～我時常認為自己『誠實』『三觀正』沒有錯，所以會說錯話間接傷害大家。如果未來有機會重逢，希望能給你們看到我的成長和進步」，其後喺接受媒體訪問時，表示自己想再同TVB合作：「我隨時候命，因為佢係我嘅娘家」，提到拍片時揭TVB秘密，王卓淇強調冇抹黑TVB，又坦言：「其實件事好傻」、「我以為誠實冇錯，但係其實唔可以囉，係唔輪到我講。同埋公司係學校，我哋唔使交學費就可以學到好多嘢，仲有唔同嘅機會。」