Edan@MIRROR 疑挑機LOONG 9 唔做小奶狗自認「looooong狗」網友：又嘗試玩命！

By Macy Sun on 25 Apr 2024

自從《亞洲超星團》誕生的組合LOONG 9成團後，不少人都將其與MIRROR互相比較，更有人期待兩大電視台TVB與Viu TV出身的兩隊組合會否有機會互相交流！只是目前LOONG 9還未有任何公開活動之際，近日MIRROR成員Edan就疑似先向LOONG 9挑機，於社交平台上傳Chok相，表示唔做小奶狗，更自認「我係looooong狗」？！

Photo from LOONG 9 微博

Photo from MIRROR facebook

Edan昨日（24日）在IG上載8張照片，當中嘟嘴、燦笑、輕撥頭髮甫士樣樣齊，簡直Chok爆！他同時更配文寫道：「其實……咩係小奶狗? #又選擇困難症 #又嚟民意調查吓先 #俾你放第一張你會放邊張#下次再見」

Photo from Edan IG

雀屎（Edan粉絲暱稱）一見照片當然亦力撐偶像，大讚張張都咁好：「你無理由唔知咩係可愛小奶狗因為爵安你已完美演繹 cute到爆（尖叫中）、「我全部都鍾意」、「張張都咁靚，好難選擇」。不過Edan隊友Jeremy似乎就唔太比面，笑指：「你最多係狼狗，奶狗就······」，引起Edan回覆：「我係looooong狗」！Edan此大膽發言難免會讓人覺得他意有所指，於是不少網友就留言問他是否暗示「loong9」，亦有人指其「抽水抽到乾晒」、「識玩」、有人提醒他「危險發言」，也有問「幾時約滿呀？咁快想去隔離台」。

Photo from Edan IG

而不知是否有見討論聲音越演越烈，後來Edan就有在Threads上載同一輯照片，並解釋：「小奶狗？No,Loooooong9……（I mean我係大鼻哥窿嘅傻9，唔好亂諗thanks）」雖然Edan這次已經解釋更叫大家不要亂諗，但對於Edan的行為一眾雀屎就被嚇得一額汗，憂心道：「你公司好擔心你亂講嘢」、「ED偶像，喺thread都唔好玩命，抽著火水有排煩㗎，我唔想你俾人話啲乜嘢」。而同時亦引來某些網友諷刺他指：「你跳舞有人哋一半咁好就好啦」、「影射踩低人哋，人格都輸埋」、「自製新聞博出位，然後扮乖」。