王祖藍獲封最災難藝人「宣布」永久離開《開心大綜藝》　林盛斌扮郭富城唱跳被笑似阿叻！

By Celia on 19 Apr 2021

Digital Editor

自上星期《開心大綜藝》播出以嚟一直提嚟唔少話題，唔少網民都指第一集太悶，環節老土，而喺尋晚播出嘅第二集佢哋就將節目延長至兩小時，雖然上一集中嘅唔少搞笑扮嘢環節都喺度，不過亦有加入新環節「關公災難頒獎禮」自抽，將喺上一集中被網民批評嘅事件中選出頭三名嘅公關災難大獎及最災難藝人。

Photo from TVB

尋晚嘅《開心大綜藝》繼故有扮嘢環節今次有江美儀扮莫文蔚、盧宛茵扮衛蘭外，仲有林盛斌扮「肥版郭富城」唱跳，有網民更笑指佢似阿叻多過城城。

Photo from TVB

另外，繼上集首席創意官王祖藍扮高官玩自嘲引嚟唔少負評後，今次佢哋就舉行咗首屆「公關災難頒獎典禮」自嘲，其中銅獎得主為「嗰班藝員冇人識」就暗諷部分藝員冇人識；銀獎得主為「呢班老友記先啱睇」，回應網民取笑節目「食老本」。

Photo from TVB

而獎典禮中嘅金獎得主，就喺節目中惡搞今年《萬千星輝頒獎典禮2020》，王浩信奪視帝時陳自瑤喺台下「黑面」嘅經典場面，Bob抄足王浩信當晚嘅致謝詞：「我要多謝太太 Pearl，佢將屋企照顧得特別好，令我可以努力工作。」

Photo from TVB

喺依個時候鏡頭轉向林盛斌老婆 Pearl，畫面中 Pearl 扮陳自瑤當時嘅 Poker face 表情「抽水」，全程木無表情，就連坐喺佢前而嘅吳若希都睇到「O晒嘴」呀！

Photo from TVB

當中佢哋更設置「最災難藝人獎」並由被稱為「毫無創意創意官」嘅王祖藍奪得，主持森美搞笑指祖藍正喺電視製作人員訓練班進修，所以唔得閒出席，不過祖藍就拍咗發表奪獎感受。

Photo from TVB

片中奪得祖藍繼續搞笑：「上星期製造咗一個好大嘅關公災難，所以我要自我隔離，繼續食番我喺獎門人入面贏番嚟但未食嘅花之戀壽司。」

Photo from TVB

之後佢仲話佢會自我反省，並指高層曾志偉要一齊「孭飛」外，仲透露遲啲將開發新節目《廁所辦大事》及新版《後生仔傾吓偈》：「好多網民話我哋又係做番福祿壽，我係要深切反省，我係唔應該叫陸永上台，我係應該叫番李思捷返嚟。我哋嘅副總經理（曾志偉）亦責無旁貸，佢從來冇講過蘇永康同曹永廉係年輕人嘅偶像，但經過網民改圖之後，一言驚醒夢中人，我哋會搵佢哋返嚟，聯同另外兩位年輕人偶像胡楓同羅蘭，一齊主持新版嘅《#後生仔傾吓偈》。」

Photo from TVB

最後，佢更指自己將永久退出節目：「我決定永久離開《開心大綜藝》呢個舞台，衷心多謝台前幕後，兄弟姊妹們，希望你哋愈做愈好，我希望你哋永遠懷念我。」

Photo from TVB

不過佢並唔係真係永久離開節目，只係「自抽」藉此營造節目嘅搞笑效果！不過唔少網民睇完就留言指睇到好尷尬「你都知你地出事啦？」、「有創意，但効果不好?！有人說比重播舊電影好！我同意⋯??」。而網民更指全晚引人觸目嘅情節原來係 BOB 嫂添！

Photo from TVB/YT

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

曾志偉回歸大作3大節目主持平均年齡最高係50歲？網民講笑：193應該係做足功課先講出口！

12 Apr 2021

自從曾志偉正式返TVB擔任副總經理嘅職位，就開始多咗好多嘅新節目出現，《開心大綜藝》大跳韓國當紅團體BTS同BLACKPINK嘅歌曲引起一班韓團fans不滿，193@Error霸氣還擊。

Photo from 193 IG

自從曾志偉以副總經理身份回巢諗計對撼ViuTV，陸陸續續都有將會有好多新節目即將推出。而琴日全新直播節目《開心大綜藝》就首播，節目一開始群星就載歌載舞，仲大跳韓國當紅團體BTS同BLACKPINK嘅歌曲，唔單止版權問題未搞清楚，核特嘅舞姿再加上老土嘅衣著，更引起一班韓團fans嘅不滿!

Photo from 《開心大綜藝》

而曾志偉出席接受採訪嘅時候就話「ViuTV最高得4點收視，我哋30點，ViuTV節目題材比較偏門，只可以同J2比」。

Photo from 《東張西望》

同時間星期日亦喺ViuTV《最後一屆口罩小姐選舉》總決賽，當ERROR成員被問到有關曾志偉所講嘅呢一番言論時，193就不甘示弱咁反擊話「TVB收視得幾百部電視機，J2係咩？係咪40幾歲仲講緊後生仔傾吓偈嗰個？」仲話自己會努力做好每個節目，唔太在意收視率！雖然有網民擔心193今次嘅霸氣回應會影響星途，不過亦有網民講笑咁話以193嘅身高，如果同曾志偉、王祖藍同台都未必見到佢哋兩個！

Photo from ERROR 193IG

其實又好難怪193咁講，網民睇返曾志偉嘅頭炮大作《開心大綜藝》嘅主持人班底比較有經驗，女主持靠馮盈盈拉返低少少，平均年齡大約係40歲，而男主持方面平均年年就大約係42.5。

Photo from 《開心大綜藝》

之前叫停重新包裝嘅《聲夢傳奇》唔計其他歌手，兩位主持森美同李克勤平均年齡更有50歲，難怪節目當中嘅參賽者都話唔識前輩李克勤。

Photo from 《聲夢傳奇》

而由三位媽媽余安安、羅敏莊同埋陳凱琳所主持嘅新節目《日日媽媽聲》首播，第一集嘅嘉賓就請來袁詠儀（靚靚）同鄧兆尊。雖然各位靚媽都保養得宜，但原來這個節目主持的平均年齡都有45歲，確實TVB普遍節目主持嘅平均年齡都偏高，適合年齡層較大嘅觀眾～

Photo from 《日日媽媽聲》

TVB新推出嘅節目好多時都係大打友情牌，因為好多嘉賓或者主持人都係曾志偉嘅朋友，而好多時佢哋仲要上節目公然咁被折磨！鄧兆尊就係其中一位上節目其中嘅「快問快答」環節，就喺當鄧兆尊所回應嘅答案，令主持人唔滿意，就會剪掉一條喺頭上面所吊住嘅水桶繩，藉此機會令到佢披露咗自己對愛情嘅睇法！

Photo from 《日日媽媽聲》

節目播出之後，有網民就認為節目要嘉賓被水淋嘅環節好無謂，仲覺得俾人感覺好似唔太尊重嘉賓！睇嚟距離節目「改革成功」都仲需要一段時間～

Photo from Big big channel Youtube

有「現代韋小寶」之稱嘅鄧兆尊而家同時擁有3位女友，而喺節目一開頭就話自己對愛情嘅睇法比較獨特，形容自己係「冇腳嘅雀仔」。當被問到幾時開始擁有多於一位女友嘅時候，佢就表示其實自己係受害者！當時同大女友Carmen拍緊拖，但有晚飲醉咗，而當時仲未係佢女友嘅二女友Cherry就將佢鎖喺酒店房，完美咁將責任推比女友！