湯怡奉子成婚 網民批「好快離婚」! 霸氣回覆：我哋唔需要任何人認同!

湯怡今年2月同排舞老師麥秋成奉子成婚，並於6月下囡囡。不過兩人嘅婚姻就一直都備受網民質疑，仲有網民留言狠批「應該好快離婚」，而湯怡就好霸氣咁回應網民喇 ！

Photo from 湯怡IG

# 湯怡2006年入行！

現年34歲嘅湯怡係英皇娛樂旗下嘅藝人，曾參加TVB節目《美女廚房》「美少女廚神選舉」而為人熟悉，隨後亦有參與多部電影拍攝，包括《寒戰II》、《29+1》等。

Photo from 湯怡IG

# 2018年結束與洪卓立11年情！

而湯怡同歌手洪卓立喺2013年公開戀情，兩人交往期間不時於IG大方放閃，係大家公認嘅模範情侶。直到2018年11月，兩人同時於IG宣佈和平分手，結束11年情，令唔少網民直呼可惜！

Photo from 湯怡IG

Photo from 湯怡IG

# 今年1月宣佈同與麥秋成婚訊！

今年1月，湯怡宣佈同排舞老師麥秋成奉子成婚，雙喜臨門，唔少圈中好友都送上祝福，就連兩人嘅前度洪卓立同蔡思貝都有表示祝賀。由於兩人嘅戀情非常低調，所以一宣佈婚訊隨即引起網民熱話。隨後兩人於2月26日舉辦婚禮，其間「天王」郭富城亦有到場！

Photo from 湯怡IG

Photo from 湯怡IG

# 湯怡霸氣回應網民評論！

湯怡誕下囡囡後，經常都喺IG大晒囡囡「麥QQ」嘅可愛照片，亦十分親民咁同網民於IG上聊天。最近，佢就利用IG「你問我答」嘅功能同網民傾計，其中有唔少網民都質疑佢同麥秋成嘅感情，仲話兩人「好快就會離婚」。不過湯怡就似乎並冇因此而影響到心情，仲霸氣回覆「一笑置之，我哋兩公婆嘅婚姻唔需要任何人認同，多謝關心。」

Photo from 湯怡IG

Photo from 湯怡IG

# 兩人婚姻不受網民看好？！

其實自從兩人宣佈婚訊之後，就已經有唔少網民唔睇好兩人嘅感情。事關麥秋成一向都緋聞多多，曾被指以教舞為理由認識唔同嘅女仔；相反湯怡就係乖乖女形象，令網民覺得兩人性格相差好遠！

Photo from 湯怡IG

Photo from 麥秋成IG

# 麥秋成入行以來緋聞多！

麥秋成最為人熟悉嘅緋聞，莫過於2014年同蔡思貝嘅戀情！不過兩人交往1年多後就分手，蔡思貝曾經大爆分手原因「當時啱啱入行，唔想咁快穩定，大家有唔同嘅追求。」，言談中力撐對方係好男人。隨後，麥秋成又被傳媒拍到出入蔣家旻屋企，不過兩人堅稱只係好朋友關係！

Photo from 蔡思貝IG

Photo from 麥秋成IG

相關文章：余香凝巨肚惹網民懷疑有雙胞胎？！湯怡肥肚唔肥人  鄭希怡囡囡同Jasper合照似小情侶！

相關文章：湯怡自爆同 20 年前一樣重？曝光10 歲肥妹仔童年照　網民讚肥嘟嘟好可愛！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

湯怡指老公深夜不歸家怨氣大，麥秋成長文回應！520公開合照晒恩愛，網友：麥生笑唔出？

20 May , 2021

湯怡與麥秋成結婚後經常會喺IG大晒孕肚照，不過日前佢答網友問題時就被指怨老公成日遲返屋企，又指佢對麥秋成嘅女性好友感呷醋。麥秋成喺IG發文護妻，而湯怡亦公開恩愛合照回應！

Photo from 湯怡IG

Photo from 麥秋成IG

湯怡同麥秋成喺年初突然無預警宣佈結婚，兩人更同時榮升做父母，令網民大為震驚。

Photo from 麥秋成IG

Photo from 麥秋成IG

喺結婚之後懷孕嘅湯怡多咗空閒時間，不時會喺IG同網民玩「你問我答」，而佢言談之間經常強調老公麥秋成成日都夜返屋企，又話好多時都見唔到老公。

Photo from 湯怡IG

Photo from 湯怡IG

湯怡大爆老公麥秋成早出晚歸，兩公婆成個星期無見面。而且佢更喺IG Story公開老公同好友Regan張惠雅攬攬合照：「呢兩位人兄都好好朋友，識咗17年，麥秋成亦係張惠雅嘅偶像，不過無日日傾計」

Photo from 湯怡IG

唔少網友認為湯怡「好大怨氣」：「feel到佢心入面勁唔妥Regan」、「係咁強調佢老公晚晚半夜先返」

Photo from 湯怡IG

Photo from lihkg

適逢「520」，湯怡就喺呢日公開咗同老公麥秋成嘅合照，兩人甜蜜back hug擁抱：「謝謝你一直在背後保護著我們，我們也會在你背後默默地支持著愛著你」，力證夫妻感情好好仍相當恩愛！不過有網友就留言：「點解佢唔笑ge？」湯怡回：「Chok緊」。

Photo from 湯怡IG

Photo from 湯怡IG

Photo from 湯怡IG

麥秋成亦正面回應老婆「怨氣大」：「比著我係女人都想老公早啲返屋企嘅。不過我老婆冇乜怨氣woo，仍然這麼溫柔」，佢指自己忙大綜藝表演，因為壓力搞到便秘咗5日，湯怡知道後仲沖全清畀佢飲。

Photo from 麥秋成IG

不過佢承認近排早出晚歸，原因係忙緊聲夢傳奇嘅編排同盛舞者嘅拍攝工作，而且6月新校開幕，工作喺呢段時候比較忙碌：「幸好所有工作將會在七月前完成，接著陪伴太太及靜待寶寶的出生。」，麥秋成表示平時會同太太facetime，又不忘為老婆嘅餅店做宣傳，指「網友誤會了」。

Photo from 麥秋成IG

Photo from 麥秋成IG

而老婆湯怡亦有留言：「點解成日都比人誤會，不過你理解就得喇」，網友力撐：「當事人自己知道幸福就夠了」

Photo from 麥秋成IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）