湯怡自爆同 20 年前一樣重？曝光10 歲肥妹仔童年照　網民讚肥嘟嘟好可愛！

早前同麥秋成正式結婚兼宣佈佗 B 嘅藝人湯怡，佢不時都會喺社交網上同大家分享生活點滴，而近日佢就同大家大玩「你問我答」，仲晒咗自己 10 歲時嘅相同大家開心 share！

現正佗 B 嘅湯怡不時都會喺 IG 分享靚相，相中嘅佢依然身形纖瘦，完全唔似有咗呀！近日佢就同同粉絲玩「你問我答」，其中佢就透露依家比懷孕前重咗 10 KG，又指自己發多咗脾氣，心情好似坐過山車咁大起大跌，但就慶幸暫時未有腳腫，所有鞋都啱着。

唔少媽媽都擔心喺生完 BB 後身材會走樣，不過佢就直言指唔擔心，仲好有信心可以搵番馬甲線添！

而當有網友問佢人生最肥係幾時，佢就晒咗一張童年時面圓圓肥嘟嘟嘅相出嚟，並表示：「10 歲同 30 歲一樣重，高度有 20 cm之差。」相中就佢好可愛呀！

其實湯怡不時都會喺社交網上傳細個嘅相，佢同細個嘅時候真係冇咩點變，仲愈大愈靚女添呀！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

湯怡佗B 4個月側拍首見孕肚，四肢纖瘦身材零走樣！網民讚：肥肚不肥人

08 Mar 2021

湯怡同麥秋成喺年初宣布結婚嘅同時公布懷孕嘅消息，二人仲喺上個月元宵佳節舉行婚禮，而大婚後佢哋連日嚟公開咗唔少婚禮當日嘅相，當時已懷有身孕嘅佢著上張敬軒品牌嘅婚紗身形纖瘦，如果唔係佢之前公布咗依個好消息都睇唔出佢有咗呀！

湯怡自大婚後連日嚟除咗 post 咗唔少婚禮當日嘅相外，仲會同大家 share 自己嘅生活日常。近日佢就喺社交網站上載咗一張著住婚紗嘅相，依張係一張側拍嘅相嚟，相中見佢手托住懷孕 4 個多月肚仔嘅佢，小腹隆起上圍亦升cup，但手臂及背部依然骨感，如果唔係刻意摸肚，真係未必發現，真係羨慕死人！

相中仲見到湯怡滿臉陶醉笑容，就睇得出佢有幾 enjoy 做媽咪嘅感覺！

唔少網友見佢佗 B 佗得咁好，又笑得咁甜，流露幸福人妻嘅感覺，都不禁留言讚佢係靚媽嚟，仲話終於見肚。有網友更搞笑指：「今次終於唔係食太多啦！」

唔知係仔定女呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）