十大越食越瘦食物 你身邊食極唔肥嘅朋友 可能就係靠呢啲喇！成日嗌減肥又停唔到口嘅你 學嘢喇！

拿！小編絕對好明白，食得是福啊親～天下間美食繁多，點解要節食黎虐待自己啊老友？明嘅明嘅！對於好似小編咁成日嗌減肥，個口又停唔到嘅你，快啲睇下有咩食物係「越食越瘦」，可以吸收人體油脂嘅食物喇！

1.木瓜

Photo from Pinterest

以為木瓜淨係用黎豐胸？原來木瓜入面嘅蛋白酶，可以將脂肪分解成脂肪酸。另外亦含有一種酵素，可以消化蛋白質，有利於人體對食物進行消化同吸收，健脾消食，同時間仲可以醫水腫添！

2.凍豆腐

Photo from Pinterest

雪凍咗嘅新鮮豆腐會產生一種可以破壞人體脂肪嘅酸性物質，所以如果多啲食係有利於減少體內脂肪嘅積蓄，達到減肥的目的。而且雪凍緊嘅豆腐，入面嘅水份會結成冰，所以一個個小孔會撐大形成網狀，好多個孔，由於處於冰碴嘅狀態，可以鎖住豆腐中的汁液，保留住水溶性營養素，更加健康㗎～

3.菠蘿

Photo from Pinterest

食完大餐食菠蘿就最適合喇～菠蘿營養豐富唔洗多講，好健康之餘因為菠蘿含有嘅蛋白酶，可以幫助消化蛋白質，分解魚同肉。

4.大白菜

Photo from Pinterest

小編表示勁高興，勁鍾意食各類大白菜的說。大白菜含有極高嘅膳食纖維同維生素A，幫助消化。另外原來仲可以護眼同養顏添！

5.番茄

Photo from Pinterest

根據《美國臨床營養期刊》研究指出，連續8星期每日飲280ml番茄汁嘅女士，腹部嘅脂肪減少咗50%，體重亦平均輕一磅。可以降低體內血清膽固醇同血脂肪指數。原來番茄含有豐富嘅抗氧化物茄紅素能促進體內代謝同增加25%的脂聯素分泌。而且番茄低熱量含豐富水分，唔會令血糖大幅動波動，所以都有助控制食欲㗎！

6.青瓜

Photo from Pinterest

如果一直有關注減肥話題嘅你，相信都有聽過青瓜雞蛋減肥法喇～連韓國嘅朴信惠都試過呢個方法㗎！青瓜可以阻止糖類轉為脂肪，又含豐富水份、維他命C同細纖維素，有助促進腸蠕動排宿便。

7.海帶（昆布）

Photo from Pinterest

海帶有腸道清道夫嘅稱號，因為含有豐富嘅纖維素，可以幫助人體有效清除體內嘅毒素和垃圾，腸道暢通，便便byebye～而且海帶含有豐富嘅碘，可以促進身體甲狀腺機能嘅提高，有效消耗熱量同加快新陳代謝。另外，海帶亦含豐富嘅礦物質同蛋白質成分，可以有效降血脂、血糖㗎～

8.節瓜

Photo from Pinterest

原來鬼鬼祟祟，節瓜先係瓜類入面最低卡路里嘅一種！消脂又消腫，利尿去毒素！

9.烏賊

Photo from Pinterest

烏賊含有豐富嘅牛磺酸，有效保護心血管系統，仲可以促進脂肪乳化！邊個話食菜先可以減肥㗎！

10.綠豆芽

Photo from Pinterest

綠豆芽有消脂通便嘅作用，亦可以防止皮下脂肪嘅形成㗎～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載