姚嘉妮女兒曝光，13歲已仙氣十足！網民驚嘆好有星味
姚嘉妮1998年參加亞洲小姐競選獲得季軍，之後佢簽約亞視並拍攝幾套電視劇，到2001年轉投TVB，一直以嚟佢都有參選唔少劇集，但多數出演配角。雖然未曾擔任女主角，但佢依然獲好多觀眾認同，知名度一啲都唔低。
姚嘉妮2006年與前亞視藝員林祖輝結婚，婚後兩人育有一女一子，大女林煦錡（Kyra）今年13歲，而細仔林璟豪（Kyros）則10歲。姚嘉妮為兩孩之母卻保養得宜，亦係圈中美魔女之一。
近日姚嘉妮就同仔女一齊齊去日本旅行，仲影咗唔少相，大女Kyra又幫媽媽做model，姚嘉妮表示：「我真係要特別鳴謝囡囡Kyra做我嘅臨時童工模特兒，一兩年前佢真係唔鐘意比我影相，今次佢肯比我影(雖然都係唔見様)但係對我嚟講已經好大進步，巧感動！見到佢D相真係覺得佢呢一兩年大得好快！所以我好珍惜我哋每一刻相處嘅時間」
模特照可見Kyra並無露面，之後姚嘉妮去到Pokemon Cafe，並喺Facebook開直播，片中仔仔Kyros向觀眾打招呼，而愛女Kyra亦喺畫面中露面，即時引起網民關注！
唔少網友大讚Kyra靚女，又指佢遺傳咗媽媽嘅好基因，有網民則指佢似鍾嘉欣，亦有人認為Kyra有林嘉欣嘅影子。不過喺一眾大讚Kyra有星味嘅留言中，有網友直言佢似陳鍵鋒！
有人則指陳鍵鋒「男生女相」，所以似佢其實都好正常。不過Kyra唔中意出鏡，所以姚嘉妮一般只會晒出兒子嘅照片，今次女兒正面照曝光，可能之後姚嘉妮都未必會再影女兒。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
錢嘉樂女兒獲讚越大越靚！出世被指同爸爸餅印，湯盈盈激到喊？！
22 Feb 2023
錢嘉樂同湯盈盈結婚超過10年，育有大女錢凱晴（Alyssa）及細女錢凱琪（Kassidy）。多年嚟佢哋嘅愛女都好受網民關注，而湯盈盈就不時會分享一家四口嘅全家福，現年7歲嘅細女Kassidy更獲讚越大越靚。
Photo from 湯盈盈微博
錢嘉樂湯盈盈結婚超過10年，育有兩女兒
錢嘉樂以往因為曾與李麗珍、關秀媚、李珊珊戀愛過，因為位位都係女神級而一度成為唔少網民嘅羨慕對象。佢同湯盈盈於2007年開始拍拖，交往5年後兩人2012年喺海洋公園內成婚，現為圈中模範夫婦。
Photo from 湯盈盈IG
結婚翌年錢嘉樂同湯盈盈就迎嚟大女錢凱晴（Alyssa），2015年再誕下細女錢凱琪（Kassidy）。錢嘉樂女兒出世後，外界相當關注佢囡囡，又指凱晴與爸爸如同餅印，成為當年熱話。
Photo from 湯盈盈微博
一家四口去沙灘玩，大女凱晴長高，細女凱琪獲讚越大越靚
多年嚟網民都非常關心錢嘉樂女兒嘅近況，而湯盈盈亦不時會喺網上分享老公同女兒嘅合照，一家四口十分幸福。大女凱晴現已近10歲，而細女凱琪亦已7歲，喺過去嘅週末佢哋去咗沙灘玩。
Photo from 湯盈盈IG
Photo from 湯盈盈IG
Photo from 湯盈盈IG
從湯盈盈分享嘅相片可見凱晴長高好多，爸爸錢嘉樂則同細女凱琪一齊堆沙，睇嚟都好享受呢個假期。唔少網友都大讚凱琪越大越靚女，又指佢非常可愛。
Photo from 湯盈盈IG
Photo from 湯盈盈IG
Photo from 湯盈盈IG
湯盈盈曾因女兒被笑而傷心到喊？！
其實喺細女出世前曾有指因為網民常評論大女凱晴嘅外型令湯盈盈十分傷心，更忍唔住喺屋企大喊，當時錢嘉樂受訪更指湯盈盈話如果細女唔似佢，佢就「發爛渣」！到細女凱琪滿月時錢嘉樂亦表示覺得細女比較似湯盈盈，更直言：「大家幫下手話似媽媽啦，唔係我返到屋企好難做！」
Photo from 湯盈盈IG
Photo from 湯盈盈IG
事實上當時湯盈盈公開咗細女嘅相後都有唔少人話好似爸爸錢嘉樂，連湯盈盈都發文問：「真係咁似爸爸咩？」，佢接受訪問就指自己唔介意女兒同錢嘉樂似餅印，因為佢中意錢嘉樂。
Photo from 湯盈盈微博
Photo from 湯盈盈IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
