張學友17歲女兒張瑤萱近照曝光!年紀輕輕開藝術展,歌神爸爸現身撐場

張學友17歲女兒張瑤萱近照曝光!年紀輕輕開藝術展,歌神爸爸現身撐場

娛樂新聞
By Jennifer on 24 Nov 2022
Digital Editor

四大天王之一嘅「歌神張學友」對家庭事一向低調處理,多年嚟甚少公開兩個女兒嘅真樣。日前瑪姬喺IG晒出與張學友合照,原來學友嘅細女張瑤萱開藝術展,年僅17歲就好有藝術天份!

歌神張學友Photo from TVB

歌神張學友與羅美薇婚後育兩個女兒

現年61歲嘅張學友係90年代嘅巨星,喺樂壇影響力極大,更獲封「歌神」!事業上學友已係天王巨星,但佢家庭事卻十分低調。張學友於1986年參演電影《痴心的我》,與女主角羅美薇結緣,兩人1996年結婚,婚後育有2個女兒。

張學友於1986年參演電影《痴心的我》,與女主角羅美薇結緣Photo from 《痴心的我》

其中大女張瑤華2000年出生、細女張瑤萱則於2005年出生。羅美薇同張學友結婚後淡出娛樂圈多年,專心相夫教女,夫妻二人都非常保護一對女兒,張學友兩個愛女嘅真樣甚少曝光。

羅美薇同張學友結婚後淡出娛樂圈多年,專心相夫教女Photo from 《痴心的我》

張學友細女張瑤萱近照曝光?!

近日主持人瑪姬就喺IG公開咗一系列相片,其中一張佢與歌神張學友合照,原來學友嘅細女聯同藝術家Ada(陳竹君)一齊喺中環開藝術展。

持人瑪姬就喺IG公開咗一系列相片,其中一張佢與歌神張學友合照Photo from 瑪姬IG

學友嘅細女聯同藝術家Ada(陳竹君)一齊喺中環開藝術展。

瑪姬仲有同歌神細女張瑤萱(Zia)合照,Zia年僅17歲,但已開藝術展,相信佢都十分有藝術天份,爸爸亦有現身力撐。Zia戴住口罩影相,貫徹佢哋一家嘅低調作風。Zia有化眼妝,眼神同媽媽羅美薇有幾分相似。

瑪姬仲有同歌神細女張瑤萱(Zia)合照Photo from 瑪姬IG

爸爸學友現身力撐愛女Photo from TVB

大女張瑤華與媽媽羅美薇較似樣

之前大女張瑤華(Zoe)個人IG曝光,從眼睛嚟睇,兩姊妹都比較似媽媽羅美薇,家姐更大晒自拍照,妹妹Zia感覺性格比較內儉。

之前大女張瑤華(Zoe)個人IG曝光

兩姊妹都比較似媽媽羅美薇Photo from 《痴心的我》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《聲夢傳奇》00後參賽者唔識郭富城/張學友!將古天樂錯認為四大天王之一

13 May 2021

TVB《聲夢傳奇》有唔少參賽者都係「00後」,年紀輕輕嘅佢哋對香港樂壇無乜認識掀起熱議,被指唔尊重前輩,近日佢哋就齊拍片「認人」,不過一班「00後」認人仍然錯漏百出。

TVB《聲夢傳奇》有唔少參賽者都係「00後」Photo from TVB

《聲夢傳奇》話題多多,其中一個就係參賽者年紀偏小,有幾位都未成年,甚至得14、15歲。其中詹天文同姚焯菲連導師李克勤都唔識。

詹天文同姚焯菲連導師李克勤都唔識。Photo from TVB

TVBPhoto from TVB

TVBPhoto from TVB

姚焯菲指認得李克勤個樣,但唔知佢叫咩名:「我記得Daddy成日聽佢嘅歌!」,佢又曾稱唔識姜濤,當時有網友質疑佢唔識年紀較大嘅李克勤,又連近年先出道嘅姜濤都認唔出,指佢無心喺香港樂壇發展:「連李克勤都不認識,怎樣在香港樂壇生存」、「呢班人會唔會離譜咗少少?」

姚焯菲指認得李克勤個樣,但唔知佢叫咩名:「我記得Daddy成日聽佢嘅歌!」Photo from TVB

有網友質疑佢唔識年紀較大嘅李克勤,又連近年先出道嘅姜濤都認唔出,指佢無心喺香港樂壇發展Photo from TVB

TVBPhoto from TVB

TVBPhoto from TVB

TVB旗下「See See TVB」就拍片要一班參賽者玩遊戲惡補人名,首先第一個係郭富城,大部分人都認到,15歲嘅詹天文話佢「好靚仔」但就答唔出個名,旁邊炎明熹提醒「郭...」,點知佢竟然答:「郭浩!」,另一邊姚焯菲喺開估後大表震驚:「下?!乜呢個係佢咩?」

TVB旗下「See See TVB」就拍片要一班參賽者玩遊戲惡補人名,首先第一個係郭富城Photo from TVB

15歲嘅詹天文話佢「好靚仔」但就答唔出個名,旁邊炎明熹提醒「郭...」,點知佢竟然答:「郭浩!」Photo from TVB

姚焯菲喺開估後大表震驚:「下?!乜呢個係佢咩?」Photo from TVB

之後到演藝人協會會長古天樂,詹天文就淨係話「呢個好眼熟」:「係咪四大天王之一?」,炎明熹都忍唔住反咗白眼,中間嘅鍾柔美被問到原本以為係邊位回答:「劉德華!」

到演藝人協會會長古天樂,詹天文就淨係話「呢個好眼熟」Photo from TVB

詹天文:「係咪四大天王之一?」Photo from TVB

中間嘅鍾柔美被問到原本以為係邊位回答:「劉德華!」Photo from TVB

至於「浩南哥」鄭伊健一出都有唔少參賽者認出,炎明熹指:「我將佢同張衛健成日撈亂㗎!」,令人疑惑。

廣告
廣告

」鄭伊健一出都有唔少參賽者認出,炎明熹指:「我將佢同張衛健成日撈亂㗎!」Photo from TVB

一班夢想成為歌手嘅參賽者連「歌神」張學友都唔識!炎明熹衝口而出:「呢個係張家輝!」,有認出嘅人表示:「本身我唔識嘅,但啲Stickers令到我識囉!」

參賽者連「歌神」張學友都唔識!炎明熹衝口而出:「張家輝!」Photo from TVB

有人表示:「本身我唔識嘅,但啲Stickers令到我識囉!」Photo from TVB

2001年出道嘅Twins係唔少80、90後嘅童年偶像,00後參賽者詹天文唔認得,鍾柔美雖然答到但就表示唔識佢哋個名,被問到Twins有咩歌,更唱咗Cookies《心急人上》:「又不是八十年代~」,而姚焯菲就話:「下?即係阿Sa阿嬌呀?都唔似!」

鍾柔美雖然答到係Twins但就表示唔識佢哋個名Photo from TVB

鍾柔美被問到Twins有咩歌,更唱咗Cookies《心急人上》Photo from TVB

姚焯菲就話:「下?即係阿Sa阿嬌呀?都唔似!」Photo from TVB

不過對香港歌手無咩了解嘅姚焯菲對歐美歌手就相當熟悉,秒答啱佢哋啲名。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【聲夢傳奇】14歲姚焯菲住豪宅讀國際學校!曾言唔識姜濤/李克勤 原來鍾情韓國女團

28 Apr 2021

TVB選秀節目《聲夢傳奇》參賽者姚焯菲(Chantel)年僅14歲,日前節目組就同另一參賽者林君蓮(Kaitlyn)上姚焯菲屋企,意外曝光佢家境富裕家住豪宅,又發現曾指唔識姜濤、李克勤嘅Chantel原來係韓國女團嘅fans。

TVB選秀節目《聲夢傳奇》參賽者姚焯菲(Chantel)年僅14歲,日前節目組就同另一參賽者林君蓮(Kaitlyn)上姚焯菲屋企Photo from TVB

TVB選秀節目《聲夢傳奇》喺YouTube公開片段,參賽者之一嘅Kaitlyn就突擊上Chantel屋企做任務。

參賽者之一嘅Kaitlyn突擊上Chantel屋企做任務Photo from TVB

Chantel屋企地方闊落,木地板同白色牆身感覺乾淨企理,一入門口就係飯廳同客廳,一啲雜物都無,空間感極大,飯廳仲有一張長型飯枱,可以坐到8個人。

Chantel屋企地方闊落,木地板同白色牆身感覺乾淨企理Photo from TVB

一入門口就係飯廳同客廳,一啲雜物都無Photo from TVB

飯廳仲有一張長型飯枱Photo from TVB

Chantel有一個妹妹,不過屋企房間多佢兩姊妹可以擁有自己單獨嘅房間,從客飯廳中間嘅走廊右手邊就係Chantel間房。

姚焯菲(Chantel)Photo from TVB

客飯廳中間嘅走廊右手邊就係Chantel間房Photo from TVB

Chantel房間有大窗台,採光唔錯,雖然空間唔算超大,但書枱、書櫃、衣櫃等一應俱全。

Chantel房間有大窗台,採光唔錯Photo from TVB

TVBPhoto from TVB

書櫃Photo from TVB

之前《聲夢傳奇》搵嚟李克勤做導師,由於節目不乏年齡較細嘅參賽者,其中得14歲嘅Chantel就坦言認得佢個樣,但唔係好知佢叫咩名:「我記得Daddy成日聽佢嘅歌!」,後來又表示唔太認識隔離台ViuTV嘅選秀節目《全民造星》第一季嘅冠軍姜濤,令唔少網民質疑佢對香港樂壇一啲都唔了解:「香港歌手又唔職,又唔聽廣東歌,咁你參加香港歌唱比賽做乜?」

之前《聲夢傳奇》搵嚟李克勤做導師,由於節目不乏年齡較細嘅參賽者,其中得14歲嘅Chantel就坦言認得佢個樣,但唔係好知佢叫咩名Photo from TVB

原來Chantel中意嘅歌手係韓國女團BLACKPINK,房間收藏唔少偶像嘅周邊、poster,房間亦好少女心以粉紅色為主,有好多毛公仔。

原來Chantel中意嘅歌手係韓國女團BLACKPINKPhoto from TVB

房間收藏唔少偶像嘅周邊Photo from TVB

床上有好多毛公仔!Photo from TVB

有眼利網友從Chantel家中獎座發現佢係讀國際學校,指佢家境富裕:「都幾有錢,間屋好大」

TVBPhoto from TVB

TVBPhoto from TVB

TVBPhoto from TVB

TVBPhoto from TVB

TVBPhoto from TVB

即睇姚焯菲屋企環境:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel