徐淑敏女兒與老公黃浩十足餅印引熱議！嫁入豪門追仔成任務？！

徐淑敏Suki（現改名徐菁遙）係2006年落選香港小姐，現年36歲嘅Suki於2009年與商人黃浩閃電結婚，婚後5年誕下3位女兒。3個女兒日漸長大，同爸爸黃浩非常似樣，不過連生3個女，黃浩同徐菁遙都曾公開表示想「追仔」！

Photo from 徐淑敏IG

徐菁遙嫁商人黃浩，誕3個女兒

徐菁遙係當年香港小姐嘅大熱門，不過最終僅獲「旅遊大使獎」，佢之後簽約成為TVB旗下藝人。2009年佢與年長12年嘅商人黃浩認識2個月後就宣佈結婚，同時已懷有身孕。

Photo from 徐淑敏IG

嫁入豪門後嘅徐菁遙淡出娛樂圈，樂於做少奶奶。佢與黃浩結婚後於5年內誕下3個女兒，一家五口住喺大埔比華利山4,000呎獨立屋，一家人樂也融融。

Photo from 徐淑敏IG

Photo from 黃浩Facebook

Suki 3個女兒似足爸爸

徐菁遙嘅3個女兒：黃心瑤Vianna（今年12歲）、Renee黃心柔（今年10歲）、Isabella黃心誼（今年8歲）都同爸爸黃浩非常似樣，十足十餅印！

Photo from 徐淑敏微博

3個女好似無咩遺傳到Suki，唔少網民都感嘆黃浩基因強大：「一個比一個似黃浩」、「啲女個鼻」、「3個女都似老豆」。不過睇Suki公開嘅相片，囡囡都越大越靚！

Photo from 徐淑敏IG

Photo from 徐淑敏IG

黃浩50歲生日，女兒如餅印

近日徐菁遙喺IG晒出夫妻合照，原來老公黃浩50歲生日，並以《Top Gun》為主題搞派對！3位女兒當然都有出席，佢哋明顯都比較似爸爸，尤其係眼睛，再掀網民熱議！

Photo from 徐菁遙 IG

Photo from 黃浩 Facebook

Photo from LIHKG

Photo from LIHKG

徐菁遙曾多次表示想「追仔」

除此之外亦有網友關心Suki連生3個女會有追仔壓力：「suki繼續生女點算」，事實上，Suki同老公都曾公開表示想「追仔」。

Photo from lihkg

Photo from lihkg

Photo from lihkg

Photo from 徐淑敏微博

早喺大女Vianna百日宴時Suki就透露自己好中意小朋友，希望會喺30歲前生夠4個仔女：「咁我就可以收工喇！」，喺2006年黃浩於Facebook上載多張結婚相，紀念7年前娶到Suki，又指快將迎接兒子嚟臨，當時有人猜測係Suki追仔成功，不過徐菁遙未有懷孕，但就反映出黃浩「追仔心切」！

Photo from 徐淑敏微博

Photo from 徐淑敏微博

其實誕下細女後，Suki就開口承諾會為老公追兩個仔，但就未有心急，佢指「計過」，要等到2018或2019年先追仔。佢喺2017年仲改名為「徐菁遙」，佢表示新名旺夫同對家人好，有指係受高人指點，有助「追仔」。

Photo from 徐淑敏IG

雖然2018、2019年徐菁遙都未有好消息傳出，但佢仍有計劃為家中再添一名成員，佢稱有時間表，依家科技發達，生多一、兩個都無問題。佢又指希望兒子會似自己，因為佢爸爸同家姐個仔都好靚仔：「應該迷倒唔少女性。」

Photo from 徐淑敏IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

落選港姐徐淑敏4000呎奢華豪宅！200萬裝修廚房/設海鮮魚缸/12人飯枱/屋內有Spa房

21 Sep 2020

2006年落選香港小姐徐淑敏Suki（現改名徐菁遙）同黃浩結婚後過少奶奶生活。佢一家五口住大埔4000呎4層高連天台獨立屋。屋內裝修超奢華！

徐淑敏Suki（現改名徐菁遙）2006年參選香港小姐，當年係大熱門可惜最終落選，佢於2009年同黃浩結婚，育有3個女兒。

佢雖然公屋出身，但丈夫做生意，結婚後徐淑敏就淡出娛樂圈，過少奶奶生活。

佢哋一家五口住喺大埔比華利山，4000呎獨立屋，有4層高連天台，裝修非常有氣派！

全屋主要以銀色、白色作為主色。偏廳裝修風格似高級美容院，屋企仲有蒸氣房、按摩池等，做Spa設備一應俱全，黃浩指屋企有度假村嘅感覺。

可左右滑動看圖：

二樓係宴客地方，飯枱係坐到12個人嘅長餐枱，更擺放咗徐淑敏搜羅返嚟嘅精緻餐具。

可左右滑動看圖：

而樓梯每一級都有打燈，感覺非常有氣派。

廚房更豪花$200萬裝修，主要成本花喺廚房設備之上，徐淑敏家中更有專擺紅酒、清酒嘅酒櫃。

可左右滑動看圖：

家中花園有燒烤設備，可以同三五知己聚會。平台闊落，夜晚可以觀星。

最誇張嘅係，佢哋屋企竟然有一般酒樓先有嘅海鮮魚缸！有龍蝦等食材，保證新鮮。

12人長餐枱坐滿人，感覺好似開宴會一樣。

資料及圖片來源：《何家姊妹何家餐》、徐菁遙IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）