download HolidaySmart 假期日常 app
54歲邱淑貞素顏生圖曝光！息影24年甚少公開露面，網民指打扮低調唔似闊太

54歲邱淑貞素顏生圖曝光！息影24年甚少公開露面，網民指打扮低調唔似闊太

娛樂新聞
By Jennifer on 11 Apr 2023
Digital Editor

邱淑貞係90年代香港電影嘅性感女神，不過佢1999年同沈嘉偉結婚後就淡出娛樂圈，佢嘅大女沈月曝光率比佢更高。近日邱淑貞就被網友野生捕獲，佢打扮低調但孭住Hermès手袋，素顏生圖曝光掀起熱議！

邱淑貞係90年代香港電影嘅性感女神Photo from 劇照

邱淑貞於1988年開始拍電影，性感形象深入民心，不過佢於婚後息影，專心相夫教女。邱淑貞嘅電影生涯約10年左右，但卻創造咗唔少經典角色。佢結婚之後鮮有公開露面，近年佢嘅大女沈月就經常喺公開場合露面。

邱淑貞於1988年開始拍電影，性感形象深入民心Photo from TVB

邱淑貞結婚之後鮮有公開露面，近年佢嘅大女沈月就經常喺公開場合露面。Photo from 沈月IG

邱淑貞同老公沈嘉偉育有3個女兒，次女沈日及細女沈晨都十分低調，而大女沈月嘅曝光率就好高，成日獲邀出席名流聚會、品牌活動，絕對係廣告商嘅寵兒。

邱淑貞同老公沈嘉偉育有3個女兒Photo from 劉嘉玲微博

大女沈月嘅曝光率就好高，成日獲邀出席名流聚會、品牌活動，絕對係廣告商嘅寵兒。Photo from 沈月IG

相比起大女沈月，邱淑貞就甚少出席公開活動，之前曾受到好友袁詠儀邀請，現身夫妻綜藝節目《一路上有你》，與佢嘅忠實fans Super Junior成員金希澈會面。不過之後邱淑貞亦未有再上過任何節目。

相比起大女沈月，邱淑貞就甚少出席公開活動Photo from 劇照

邱淑貞2015年曾受到好友袁詠儀邀請，現身夫妻綜藝節目《一路上有你》Photo from 《一路上有你》

近日小紅書有網民分享佢喺香港迪士尼樂園偶遇「豆豆～邱淑貞女神」，雖然未有影到正面，但邱淑貞似乎係陪次女沈日同細女沈晨去樂園玩，同行未見大女沈月。邱淑貞一身打扮亦相當低調，黑色間條上衣配黑褲，不過孭住一個黑色Hermès Kelly，仍相當搶眼。

近日小紅書有網民分享佢喺香港迪士尼樂園偶遇邱淑貞Photo from 劇照

雖然未有影到正面，但邱淑貞似乎係陪次女沈日同細女沈晨去樂園玩Photo from 小紅書

邱淑貞一身打扮亦相當低調，黑色間條上衣配黑褲，不過孭住一個黑色Hermès Kelly，仍相當搶眼。Photo from 小紅書

邱淑貞戴上太陽眼鏡，但都睇得出佢未施脂粉，現年54歲嘅佢狀態唔錯，皮膚依然光滑緊緻。不過亦有網民質疑相中人唔似邱淑貞：「怎麼駝背的，一點氣質都沒有」，有網友就認為佢息影多年，加上喺樂園排隊太攰，所以無必要好似行紅地氈咁維持形象。

邱淑貞戴上太陽眼鏡，但都睇得出佢未施脂粉Photo from 小紅書

有網民質疑相中人唔似邱淑貞：「怎麼駝背的，一點氣質都沒有」Photo from 小紅書

邱淑貞息影多年Photo from TVB

有網友就表示邱淑貞淡出娛樂圈之後就不時被目擊著黑色衫，亦有人認為佢雖然嫁入豪門多年但衣著打扮都十分低調，如果唔係孭住Hermès袋，根本認唔出佢就係邱淑貞，或者係一名闊太。

有網友就表示邱淑貞淡出娛樂圈之後就不時被目擊著黑色衫Photo from 小紅書

有人認為佢雖然嫁入豪門多年但衣著打扮都十分低調，如果唔係孭住Hermès袋，根本認唔出佢就係邱淑貞Photo from 小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

邱淑貞細女沈晨近照曝光！小時超可愛，長大與家姐沈月氣質大不同

8 Jul 2022

邱淑貞與I.T創辦人沈嘉偉婚後育有3女，大女沈月更有「最美星二代」之稱，近日二女沈日公開妹妹沈晨近照引起熱議，沈晨抱住小狗出門，氣質與姐姐相反。

邱淑貞與I.T創辦人沈嘉偉婚後育有3女

邱淑貞大女兒沈月獲封「最美星二代」

邱淑貞係香港影壇嘅「性感女神」，佢婚後息影，專心家庭相夫教女，育有3名女兒沈月、沈日、沈晨。其中大女沈月今年20歲，遺傳媽媽嘅優良基因，係時尚界寵兒，不但獲邀出席唔同嘅時裝展，佢亦係爸爸時裝公司嘅模特兒。

邱淑貞係香港影壇嘅「性感女神」，佢婚後息影，專心家庭相夫教女，育有3名女兒沈月、沈日、沈晨

沈月精緻外型一向係外界焦點，佢更獲稱為「最美星二代」，一舉一動都成為網民話題，之前佢喺韓國與韓星金希澈合照，就傳出佢即將出道，不過被本人否認。

沈月喺韓國與韓星金希澈合照，就傳出佢即將出道Photo from 沈月IG

邱淑貞二女兒沈日為愛犬AKIO開設IG

沈月嘅兩個妹妹就比較低調，佢曾公開母女三人合照，首度公開妹妹沈日真容，而沈日雖然都有IG，但就唔同家姐，並未公開太多靚相，之後更將IG帳號轉為「Private」。

沈月嘅兩個妹妹就比較低調，佢曾公開母女三人合照，首度公開妹妹沈日真容Photo from 沈月IG

沈日雖然都有IG，但就唔同家姐，並未影太多靚相，之後更將IG帳號轉為「Private」Photo from 沈日IG

雖然唔再公開IG，但沈日就有為愛犬AKIO開設IG，Akio係一隻秋田犬，最近更有新同伴Butter添！從Akio IG可見，沈日經常帶佢去香港各地散步、打卡，沈月更曾帶同Akio影雜誌相。

沈日就有為愛犬AKIO開設IGPhoto from 沈月IG

邱淑貞細女沈晨近照曝光

Akio IG最新嘅post更公開邱淑貞細女沈晨近照！沈晨今年12歲，之前一直極少喺公共場合出現。2018年，當年邱淑貞一家五口曾一齊現身歌神張學友演唱會，當年得8歲嘅沈晨眼大大，十分可愛。

2018年，當年邱淑貞一家五口曾一齊現身歌神張學友演唱會，當年得8歲嘅沈晨眼大大，十分可愛。Photo from 劉嘉玲微博

沈晨之後就甚少露面，家姐沈月嘅IG亦未有公開過妹妹嘅近照，由沈日負責更新嘅Akio IG：「butters’ first outing! featuring akio and my baby sister sen」相中沈日並未出鏡，但沈晨就抱住狗狗Butter坐喺海旁，十分寫意。

沈日負責更新嘅Akio IG：「butters’ first outing! featuring akio and my baby sister sen」Photo from Akio IG

沈晨抱住狗狗Butter坐喺海旁，十分寫意。Photo from Akio IG

過往外界指沈月似媽媽邱淑貞、沈日則較似爸爸沈嘉偉。沈晨打扮簡單，從佢嘅波鞋可見佢應該都著咗好耐，為人十分念舊，與家姐沈月氣質亦大為不同。

沈晨打扮簡單，從佢嘅波鞋可見佢應該都著咗好耐，為人十分念舊Photo from Akio IG

沈晨與家姐沈月氣質大為不同Photo from 沈月IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

邱淑貞素顏娛樂新聞Hermès