青春本我|姚焯菲民初小鳳仙Look唱新歌《靈魂伴侶》大玩師生戀表白慘遭拒絕

青春本我|姚焯菲民初小鳳仙Look唱新歌《靈魂伴侶》大玩師生戀表白慘遭拒絕

娛樂新聞
By Cheryl on 18 Jan 2022
Digital Editor

TVB劇集《青春本我》嚟到最新一集,講到姚焯菲(Chantel)飾演嘅學生陳婷終於向暗戀已久嘅中文老師徐夕(朱敏瀚飾)表白,而Chantel在劇中唱嘅歌曲《靈魂伴侶》亦順勢推出,MV中佢仲以一身民初造型亮相,認真配合佢「國民初戀」嘅稱號。

姚焯菲在《青春本我》新一集中向朱敏瀚飾演嘅男教師徐sir示愛,慘遭拒絕Photo from 姚焯菲 IG

姚焯菲劇中大玩禁忌師生戀

青春校園劇《青春本我》最新一集講到15歲姚焯菲飾演嘅害羞學生陳婷,參與野外實地考察活動時約朱敏瀚飾演嘅徐sir到涼亭,鼓起勇氣向一直暗戀嘅老師表明心跡。Chantel含羞嗒嗒咁問徐sir「你覺得我點呀?」,之後又表示「咁你都好了解我」,但當徐sir表明二人應保持良好嘅師生關係「唔可以有雙重關係,將來都只能夠係朋友關係」,Chantel就非常愕然又生氣,不解為何二人唔可以在一起。

Chantel鼓起勇氣向徐sir表白Photo from TVB

被拒絕後表現生氣,稱不明白點解兩人唔可以一齊Photo from TVB

順勢推出第二隻個人單曲《靈魂伴侶》

被斷然拒絕嘅Chantel深受打擊,直言「你唔鐘意我!你覺得我好差,我真係好差!」然後傷心跑走,最後遺下徐sir一人。此段劇情響起嘅背景音樂其實就係Chantel繼《原來談戀愛是這麼一回事》後推出嘅第二首單飛新歌《靈魂伴侶》,認真受TVB力捧。

Chantel早前推出第一首個人單曲《原來談戀愛是這麼一回事》Photo from 原來談戀愛是這麼一回事 Official MV

今次順劇情再推出第二首單曲《靈魂伴侶》Photo from 靈魂伴侶 MV

回到民初談戀愛?

Chantel在MV中配合劇裡沉迷漫畫世界嘅角色,將徐sir幻想成民初時期嘅徐志摩,更換上一身粉紅色小鳳仙裝,一邊唱歌一邊回憶女學生與男教師嘅相處片段,憑歌寄意表達女學生向男教師求愛嘅期盼。

變身民初姑娘與教師Photo from TVB

Chantel換上一身粉紅色民初服裝Photo from TVB

廣告
廣告

亦有藍色裙造型Photo from TVB

當中歌詞都相當直白,包括「我願意持續幼稚地試 去幻想一個靈魂伴侶」、「未接的吻 請你別猜我是幾多歲」、「到底我想與誰 做情侶」,相當有師生之間較大年齡差距意味。歌曲監製Johnny Yim(嚴勵行)指Chantel錄製此曲時只有14歲,所以能保留對戀愛嘅天真無邪,大讚Chantel表演無得彈。

MV中Chantel以學生造型亮相Photo from TVB

歌詞表達少女對愛情嘅期盼Photo from TVB

網民有讚有彈

不過網民就唔係咁諗,不少人認為歌曲充滿80年代風味,造型與曲風都好娘,笑言係咪講緊清朝戀愛故事,亦有人認為MV令Chantel過於老氣,歌曲亦缺乏深度「沒有新意的老土少女情歌,製作些有意義有靈魂的作品吧。」

有網民認為歌曲無咩新意Photo from TVB YouTube

你認為Chantel應該試下其他曲風嗎?Photo from TVB

雖然MV有不少負評,但一班小菲象(Chantel粉絲)都不忘落力留言支持,表示自己不停loop MV,又讚偶像唱得非常甜蜜,「真的很有初戀feel」。而MV發佈兩日已衝破200k點擊率,截至今早更達到YouTube熱門音樂第八位,睇嚟一班fans真係好落力播MV。

有粉絲力讚Chantel歌聲有初戀感覺Photo from TVB YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel