download HolidaySmart 假期日常 app
王嘉爾感謝泰國粉絲冒雨守候,行跪拜禮15秒惹內地網民不滿

王嘉爾感謝泰國粉絲冒雨守候,行跪拜禮15秒惹內地網民不滿

娛樂新聞
By Jennifer on 21 Jul 2022
Digital Editor

王嘉爾(Jackson)所屬韓國男團GOT7未與經理人公司成功續約,佢主要喺內地發展。近日Jackson飛往泰國工作,喺當地人氣極高嘅佢獲大批泰國fans支持,更不惜冒雨等候,令Jackson十分感動,並對fans行跪拜禮,但此舉卻惹起內地網民不滿?

王嘉爾(Jackson)所屬韓國男團GOT7未與經理人公司成功續約,佢主要喺內地發展。Photo from 王嘉爾IG

王嘉爾飛泰國獲fans熱烈歡迎

韓國男團GOT7喺東南亞人氣超高,不過可惜全員未能與經理人公司續約,成員各自開展solo活動。其中於香港出生嘅Jackson就選擇喺內地發展,佢最近積極參與海外活動,進一步提高個人知名度。

王嘉爾最近積極參與海外活動,進一步提高個人知名度。Photo from 王嘉爾微博

2022年Jackson登上美國Coachella Festival舞台表演,一度登上Twitter Trends。佢近嚟又擔任曼聯同利物浦泰國熱身賽嘅賽前表演嘉賓,佢一抵達泰國即受到當地fans嘅熱烈歡迎。

Jackson近嚟又擔任曼聯同利物浦泰國熱身賽嘅賽前表演嘉賓,佢一抵達泰國即受到當地fans嘅熱烈歡迎。Photo from 王嘉爾IG

粉絲冒雨守候,Jackson大為感動

Jackson去泰國除咗出席曼聯同利物浦熱身賽之外,亦舉辦咗見面會,時值7月,泰國連日都落大雨,但仍無阻粉絲與偶像見面嘅心情,Jackson嘅每個行程都有好多泰國fans支持。

泰國連日都落大雨,但仍無阻粉絲與偶像見面嘅心情,Jackson嘅每個行程都有好多泰國fans支持。Photo from 王嘉爾IG

最近喺網上瘋傳Jackson喺泰國嘅影片,地點相信係喺地下停車場,Jackson由隨行助手、保鑣等人陪同現身,Jackson一行人行出電梯即獲fans熱烈歡呼以示歡迎,而Jackson見到咁多粉絲到場支持佢,亦忍唔住行近fans,並入鄉隨俗向守候多時嘅粉絲行跪拜禮。

喺網上瘋傳Jackson喺泰國嘅影片,地點相信係喺地下停車場,Jackson由隨行助手、保鑣等人陪同,Jackson一行人行出電梯即獲fans熱烈歡呼以示歡迎Photo from 微博

Jackson見到咁多粉絲到場支持佢,亦忍唔住行近fansPhoto from 微博

Jackson向守候多時嘅粉絲行跪拜禮。Photo from 微博

Jackson推開助手執意行跪拜禮,內地網民不滿

Jackson佢身邊嘅助手一見佢跪低即刻上前想扶佢起身,但被Jackson推開,佢行跪拜禮足足15秒,有關片段更喺微博上瘋傳!有唔少fans表示Jackson好錫粉絲,又入鄉隨俗向fans表達謝意令人感動!

Jackson佢身邊嘅助手一見佢跪低即刻想上前扶佢起身Photo from 微博

Jackson推開扶佢起身嘅工作人員Photo from 微博

Jackson行跪拜禮足足15秒Photo from 微博

唔少fans表示Jackson好錫粉絲,又入鄉隨俗向fans表達謝意令人感動!Photo from 微博

不過Jackson此舉亦惹部分內地網友不滿,內地網民認為佢喺內地都未試過向fans下跪,卻對外國人如此厚禮不恰當,亦有人指佢原先喺韓國出道時亦未有跟隨韓國成員「行大禮」,但依家去泰國卻「入鄉隨俗」,質疑佢差別對待唔同國家嘅fans。

Jackson此舉亦惹部分內地網友不滿Photo from 微博

內地網民認為Jackson喺內地都未試過向fans下跪,卻對外國人如此厚禮不恰當Photo from 微博

有人指Jackson原先喺韓國出道時亦未有跟隨韓國成員「行大禮」,但依家去泰國卻「入鄉隨俗」Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

王嘉爾真實身高惹內地網民討論!比香港影帝矮,官方身高備受質疑

21 Jun 2022

廣告
廣告

王嘉爾(Jackson)早前衝出亞洲登上Coachella Festival舞台,獲封為「中國之光」,近年喺內地發展嘅佢人氣上升,卻有內地網民關注佢嘅身高,更將佢同影帝作比較,推算佢真實嘅高度。

王嘉爾(Jackson)早前衝出亞洲登上Coachella Festival舞台,獲封為「中國之光」Photo from 王嘉爾微博

Jackson王嘉爾衝出亞洲?!

Jackson以韓國男團GOT7成員身份出道,期間更成立個人工作室TEAM WANG,於內地參加唔少綜藝節目同推出個人單曲,知名度上升不少。2022年Jackson登上美國Coachella Festival舞台表演,一度登上Twitter Trends,之後又擔任曼聯同利物浦泰國熱身賽賽前表演嘉賓,獲讚衝出亞洲成「中國之光」。

2022年Jackson登上美國Coachella Festival舞台表演,一度登上Twitter Trends,之後又擔任曼聯同利物浦泰國熱身賽賽前表演嘉賓Photo from LIHKG

內地網民討論王嘉爾真實身高

演藝事業發展越嚟越好,Jackson喺內地嘅知名度再進一步提升,佢嘅個人資料亦受到關注。近日百度貼吧「身高吧」就有網友發帖討論Jackson嘅身高。貼吧係內地網民使用嘅一個論壇,當中以不同嘅專屬主題作區分,「身高吧」顧名思義就係討論真實身高嘅討論區。

近日百度貼吧「身高吧」就有網友發帖討論Jackson嘅身高Photo from 王嘉爾微博

網友發帖post咗一啲Jackson同謝霆鋒嘅合照,並估計佢哋兩人嘅真實身高:「謝霆鋒身高174 王嘉爾170」,不過樓主呢個「結論」眾說紛紜,好多內地網友都表示不認同,直言謝霆鋒無可能有174cm高,甚至指佢最多得168cm、而王嘉爾則係166cm。

網友嘅帖子post咗一啲Jackson同謝霆鋒嘅合照,並估計佢哋兩人嘅真實身高Photo from 王嘉爾微博

樓主:「謝霆鋒身高174秒王嘉爾170」,不過樓主呢個「結論」眾說紛紜Photo from 身高吧

有網友直言謝霆鋒無可能有174cm高,甚至指佢最多得168cmPhoto from 謝霆鋒微博

網友重點討論謝霆鋒身高

有網友提出謝霆鋒同劉德華係差唔多高,並附上二人合照作證。有人指出劉德華年紀比謝霆鋒大近20歲,呢啲都會對身高造成影響,所以依家先會同謝霆鋒平頭,留言嘅網民都係身高吧常客,大部分對於明星身高亦有一定嘅了解。

有網友提出謝霆鋒同劉德華係差唔多高,並附上二人合照作證。Photo from 身高吧

有人指出劉德華年紀比謝霆鋒大近20歲,呢啲都會對身高造成影響Photo from 身高吧

有連登網民將身高吧嘅討論帖轉發,亦掀起連登熱議。有人表示要得出Jackson嘅真實身高必須先確認謝霆鋒嘅身高先,霆鋒嘅官方身高為175cm,不過多年嚟都有唔少人對佢嘅實際身高有疑問。有網民就post咗謝霆鋒與姚明嘅相片,網友表示:「籃球直徑24.6cm,謝霆鋒大概7個籃球=172.2cm」

有連登網民將身高吧嘅討論帖轉發,亦掀起連登熱議。Photo from LIHKG

有人表示要得出Jackson嘅真實身高必須先確認謝霆鋒嘅身高先Photo from LIHKG

網民post咗謝霆鋒與姚明嘅相片,有網友表示:「籃球直徑24.6cm,謝霆鋒大概7個籃球=172.2cm」Photo from LIHKG

Jackson官方身高備受質疑

唔少網民認為謝霆鋒應該最多172cm,而Jackson嘅官方身高為174cm,其真實性備受質疑,有人表示根據Jackson同謝霆鋒嘅合照估計Jackson應該無170cm,真實身高約168cm左右。

唔少網民認為謝霆鋒應該最多172cmPhoto from LIHKG

Jackson嘅官方身高為174cmPhoto from 王嘉爾微博

有人表示根據Jackson同謝霆鋒嘅合照估計佢應該無170cm,真實身高約168cm左右。Photo from 鋒味實驗室微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel