陳瀅事業友情兩得意,大晒與劉佩玥「破冰」泳裝照!二人過往因周志文而鬧翻?

陳瀅事業友情兩得意,大晒與劉佩玥「破冰」泳裝照!二人過往因周志文而鬧翻?

娛樂新聞
By Stephanie on 28 Sep 2022
Digital Content Writer

陳瀅(Jeannie)劉佩玥(Moon)過往感情超好,係眾所周知嘅好姐妹;其後劉佩玥與巨聲幫大孖周志文被傳熱戀中,而呢對好姐妹嘅關係卻變得疏離?!近日,陳瀅上載同朋友喺沙灘遊玩嘅照片,而其中一張照片久違地發現昔日好姐妹Moon嘅身影,兩姐妹嘅感情似乎已經重修舊好喇~

近日,陳瀅同劉佩玥呢對好姐妹似乎「破冰成功」?!Photo from 劉佩玥IG

陳瀅過往同劉佩玥感情超好

32歲嘅陳瀅(Jeannie)性格開朗熱情,喺圈中擁有唔少好朋友。而過往佢同劉佩玥(Moon)、何雁詩等人因拍攝劇集《四個女仔三個Bar》而變熟,仲成為眾所周知嘅好姐妹,經常上載打卡照,大晒姐妹情~

陳瀅係圈中有唔少好友,當中佢同何雁詩、劉佩玥仲曾經一齊住過!Photo from 陳瀅IG

自從劉佩玥與周志文傳出熱戀後,姐妹情不再?!

不過自從劉佩玥傳出與巨聲幫大孖周志文熱戀嘅傳聞後,陳瀅同劉佩玥呢對好姐妹嘅感情卻似乎出現咗變化?!其後佢哋嘅好姐妹聚會中,都甚少出現二人同場嘅畫面,令佢哋嘅不和傳聞傳足咁多年!

不過自從劉佩玥同周志文傳出緋聞之後,兩姐妹感情就變咗?!Photo from 周志文IG

昔日姐妹情不再?!Photo from 劉佩玥IG

近日二人關係重歸舊好!

近日,陳瀅喺IG上載與2019港姐冠軍陳曉華去沙灘遊玩嘅照片,當中同行嘅仲有昔日好姐妹劉佩玥;而Moon早前亦曾上載慶生照,兩姐妹嘅關係似乎重歸於好!據悉,二人最近因為合作電視劇《美麗戰場》而傾返計,今次仲邀請埋陳曉華一齊加入姊妹團。

陳瀅近日上載咗同陳曉華、劉佩玥一齊去沙灘嘅照片!Photo from 陳瀅IG

陳瀅早前仲同劉佩玥慶祝生日,感情似乎重歸舊好!Photo from 劉佩玥IG

即睇更多人氣文章:

傳陳瀅當年因擔心好姐妹而好心勸喻對方

廣告
廣告

有傳過往周志文因為緋聞太多,喺2015年時被大台提早解約。而陳瀅就因為擔心好姐妹劉佩玥要勸喻對方要諗清楚,不過對方最終都選擇咗愛情,而令二人感情逐漸疏離。而陷入熱戀嘅劉佩玥對男方一心一意,仲曾力撐男方性格善良,二人嘅「地下情」傳足4年咁耐!

劉佩玥同周志文嘅戀情傳咗4年,雖然多次被傳媒拍到,但二人都否認戀情。Photo from 劉佩玥YouTube

有傳陳瀅因為周志文過往嘅緋聞太多,而擔心好姐妹MoonPhoto from 陳瀅IG

劉佩玥與周志文今年5月「隔空傳情」!

直到今年5月20日,劉佩玥喺IG上載照片,並附上「感謝你讓我如此溫柔,卻又如此堅韌。經歷歲月悠悠,感恩甘苦秒秒」令唔少網民都紛紛猜測「你」應該就係指緋聞男友周志文。而周志文亦有用心心emoji留言,令網民都覺得二人係默認戀情;而陳瀅及細孖當時都有留言「助慶」,相信當時陳瀅同Moon嘅關係都已經「破緊冰」喇~

今年5月20日,劉佩玥突然上載甜笑照片,仲sweet爆答謝「你」Photo from 劉佩玥IG

當時緋聞男友周志文留言回覆,令唔少網民都覺得佢哋係默認戀情?!Photo from 劉佩玥IG

陳瀅事業友情兩得意!

陳瀅今年唔單止同昔日好姐妹「破冰」,喺事業上亦有新突破!佢現時有份出演今年4大台慶劇之一嘅《美麗戰場》,喺宣傳海報中企正中間位超搶鏡,繼《痞子殿下》後再次擔正做女一。而佢早幾日出席大台台慶亮燈儀式時,仲獲安排企喺前排,相信將會備受力捧~

陳瀅有份出演今年台慶劇《美麗戰場》,喺海報入面仲企正中間!Photo from 《美麗戰場》

喺大台台慶亮燈儀式當日,陳瀅仲企喺前排,可見現時備受力捧~Photo from 娛樂新聞台

而佢當日身穿嘅黑色晚裝就被指似颱風訊號!Photo from 陳瀅IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel