陳瀅素顏出浴照曝光！完成21日隔離晒自拍稱肥咗3磅力破與劉佩玥不和傳聞！

娛樂新聞

By Jennifer on 17 Mar 2021

Digital Editor

由加拿大返港嘅陳瀅21日隔離完結，佢開心到大晒素顏出浴照，又感謝一眾好友送嘅物資，稱自己肥咗3磅。同時亦與劉佩玥罕有互動，破不和傳聞！

Photo from 陳瀅IG

陳瀅上月飛去加拿大探親，返香港後要喺酒店接受21日隔離，不過佢隔離一啲都唔無聊，因為佢班好友為佢送上唔少零食、美酒，就算隔離都唔怕悶。

Photo from 陳瀅IG

佢亦喺IG post出好友送上嘅物資tag返對方以示感謝，更令緋聞男友方力申疑似送花畀佢嘅事曝光添！

Photo from 陳瀅IG

眼見21日隔離即將完結，陳瀅再喺IG晒相紀念，指隔離期間多得朋友們嘅支持，又話自己肥咗3磅。見佢勁近鏡素顏皮膚白裡透紅，後面有何雁詩送嘅紅酒，浸住泡泡浴歎wine，好chill喎！

Photo from 陳瀅IG

佢再晒好友送嘅物資，其中曾傳不和嘅劉佩玥都有份送嘢畀陳瀅。佢哋兩個之前一直都係好姊妹，但有指佢哋因劉佩玥拍拖而姊妹情不再。陳瀅勸劉佩玥要諗清楚先但劉佩玥最終選擇愛情，令二人開始疏遠。

Photo from 劉佩玥IG

Photo from 陳瀅IG

以往陳瀅、劉佩玥成日都會同何雁詩等人聚會，而最近嘅合照中大部分都唔見有劉佩玥。今次陳瀅晒相仲tag埋劉佩玥，見到佢送咗一啲水果、零食畀陳瀅，而劉佩玥都有like個post，力破兩人不和傳聞！

Photo from 陳瀅IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

陳瀅方力申疑戀情曝光？IG相暗藏玄機！方力申身家過億係隱形富豪？

8 Mar 2021

曾經傳過緋聞嘅陳瀅同方力申一直關係曖昧，近日有網友發現佢哋兩人關係似乎逐漸明朗，喺陳瀅IG相更微露端倪！唔通傳過多段緋聞嘅陳瀅真命天子終於出現？

Photo from Tiger's Talk

早排飛咗加拿大嘅陳瀅返香港後需接受21日隔離，一眾好友就先後為佢送上禮物、物資，超貼心！

Photo from 陳瀅IG

陳瀅為感謝好友，喺IG放上禮物認證照，更逐一tag返送禮嘅朋友以示感激。Anjaylia陳嘉寶送上嘅生果、何雁詩送嘅酒，「老公」Howie送嘅零食佢都一一影底tag對方。

Photo from 陳瀅IG

有細心網友就發現，喺IG caption中陳瀅仲有tag到緋聞男友方力申，但喺佢影嘅禮物中就無tag到對方，而喺陳瀅post出嘅禮物中有一份係無tag到人。

Photo from 陳瀅IG

呢份神秘禮物就係一紮鮮花！其實呢紮花係佢喺元宵節收到，陳瀅唔止喺收到當日馬上喺Story影底，留言「sweetness overload」，喺之後嘅IG自拍中亦見到呢紮花嘅縱影，可見佢收花有幾咁開心！

Photo from 陳瀅IG

其實陳瀅同方力申嘅緋聞始於2019年，當時方力申參加環島游，陳瀅到場打氣更送上擁抱。之後兩人一齊上節目時陳瀅更公開爆方力申曾單獨約過佢食飯，雖然陳瀅最後並未應邀約與方力申共進晚餐，但兩人喺節目中表現曖昧。

Photo from 陳瀅IG

Photo from Tiger's Talk

陳瀅透露方力申介紹過一位星座專家畀佢認識，專家指陳瀅會喺2023年同屬猴嘅男仔結婚，而方力申就係屬猴。陳瀅亦不諱言：「我成日都溝佢，你哋唔覺㗎咩？我覺得佢真係好男仔嚟。」不過方力申當時表現尷尬，指唔知陳瀅邊句真邊句假。

Photo from Tiger's Talk

雖然佢哋表示無進一步發展，但兩人關係好好，經常會喺陳瀅IG度見到方力申留言，唔止會留心心眼，更喺情人節陳瀅捧花嘅相下留言「Happy Valentine’s Day 」加三個心心emoji。

Photo from 陳瀅IG

陳瀅出道以嚟有多段緋聞，其中同賭王四房兒子何猷亨一段情最為人熟知，原來方力申都係隱形富豪？

Photo from 方力申IG

早年方力申父親方毓仁曾大爆兒子喺2005年開始收藏第一幅名畫，至今珍藏過百件，價值達幾千萬！加上佢幾年前豪擲幾千萬購入豪宅，估計身家過億！

Photo from 方力申IG

Text: HolidaySmart Editorial

陳冠希余文樂為阿嬌結冤！陳瀅劉佩玥姐妹情不再！娛樂圈6對藝人由朋友變仇人！

12 Mar 2021

正所謂「人多就自然是非多」，過去圈中亦有唔少藝人因為唔同嘅原因而反目成仇，有啲甚至曾經係好朋友但最終都絕交收場，大家又知道幾多個呢？我哋而家就一齊嚟盤點下娛樂圈反目成仇嘅藝人啦～

Photo from 馮盈盈IG

1. 馮盈盈+江嘉敏

呢排最出名嘅一定係呢一pair，佢哋嘅關係因為一個富豪船P而令佢哋嘅友誼破裂。上年5月，江嘉敏同啱啱回復單身嘅馮盈盈就被拍到去何猷亨嘅船P玩，有傳馮盈盈想釣金龜。馮盈盈就立刻話係透過江嘉敏先會出席呢個船P，而江嘉敏亦隨即反駁話係馮盈盈帶埋佢一齊去船P先認識。大家各有各講，令佢哋兩人嘅感情大受影響。之後，江嘉敏仲喺IG公開咁暗串對方講大話，將所有矛頭指向馮盈盈。

Photo from 江嘉敏IG

最近，佢哋被安排要一齊主持新節目《解構心機女》，強制要佢哋兩個和好。雖然佢哋就po曬合照，好似已經和好如初咁，但大部分嘅網民都認為佢哋只喺表面上和好。

Photo from 江嘉敏IG

2. 陳冠希+余文樂

陳冠希同余文樂曾經一齊合作多套電影，包括有《頭文字D》同《無間道》，亦因此而成為朋友。但就有傳佢哋兩個因為當時同時追阿嬌而傳出不合，仲差啲喺頒獎典禮後台大打出手，令佢哋嘅關係變得更加差。

Photo from 陳冠希IG

Photo from 余文樂FB

喺2017年，有位知名嘅服裝設計師就喺IG po咗余文樂品牌Madness嘅外套，但就引嚟陳冠希喺留言度諷刺「fell sorry for u bro/but everyone need to make a living」.而余文樂亦都喺自己IG po 咗一張反擊嘅照片，上面嘅字寫住「The Best Revenge is Massive Success.」，利用IG展開隔空對罵。

Photo from IG@Godfreykwan

喺2019年，陳冠希就為佢嘅自創品牌而同網民鬧交，期間仲一度公開數落余文樂嘅品牌，話自己嘅品牌CLOT係高檔好多，絕對唔會同佢哋合作。

Photo from 陳冠希IG

3. 莊思敏+王宗堯

喺2015年，王宗堯酒喺Facebook度暗指有演員只係為錢同埋唔專業，就話「如果你為出鏡曝光就咩都做，你只不過係去襯...如果你為數字而拍戲而不是為真正的用心去表演，咁你同老臨有咩分別? Right cast is more important! Show some respect to Hong Hong movies...」而種種特徵都將矛頭指向當時同佢合作兩套電影嘅莊思敏。而女方以不甘示弱，即時喺自己嘅Facebook反擊「如果工作是等於唔尊重工作咁我祝你無工開啦。」，形成咗一場隔空嘅罵戰。當時，罵戰非常激烈導致佢哋兩個嘅老闆忍唔住出手平息事件。

Photo from 王宗堯FB

Photo from 莊思敏FB

之後，莊思敏就喺出席活動嘅時候爆喊咁話就算以後喺公司見到王宗堯都會當見唔到。

Photo from 莊思敏FB

4. 鄧紫祺+JW

鄧紫祺同JW 本身喺好朋友，不過自從鄧紫祺同現任造型師男友Mark拍拖之後，兩人就疏遠咗。事關Mark以前曾經同JW有過一段情，而佢哋兩個分手嘅時候，Mark就有喺IG暗指JW因為貪錢移情別戀，睇嚟分手嘅時候並唔和諧。唔知鄧紫祺會唔會係想用行動撐男友而同JW疏遠呢？

Photo from MarkIG

Photo from JW IG

5. 林穎彤+吳若希

2017年，林穎彤同埋吳若希一齊合作拍攝《終極街頭魔法王》嘅宣傳活動，而事後吳若希就喺IG po 活動當日嘅照片，當時網民們就用一啲比較羞辱嘅留言去鬧吳若希。但就喺某一個惡意留言下面，竟然有人點讚，而嗰位就係一齊出席活動嘅同門師妹林穎彤。當時就令網民猜測佢哋兩個因為爭上位而鬧不和，儘管林穎彤有出面澄清係因為手滑，但網民都唔係好相信去會喺眾多留言當中點錯呢個比較羞辱嘅留言！

Photo from 吳若希IG

6. 陳瀅+劉佩玥
陳瀅同劉佩玥兩個以前一直都係「孖公仔」，成日喺網上po合照，感情非常好。但有傳自從劉佩玥同周志文拍拖之後，兩人嘅關係就開始變。事關陳瀅驚好姐妹墮入當時形象花心嘅周志文手仲，所以就不停勸佢要諗清楚。可惜，劉佩玥最終選擇愛情，令二人感情開始疏遠。以前佢哋成日都會同何雁詩等人一齊聚會，但睇返而加嘅合照劉佩玥多數都無現身。