抖音疑似禁止直播主講廣東話？！網紅批評理由極不合理？內地網民反應兩極！

宜家好多人都一定擁有社交媒體帳號，當中唔少內地網紅都鍾意用抖音直播或者拍短片～近日，抖音卻疑似禁止直播主使用廣東話進行直播，仲將佢地嘅帳號封鎖咗，令唔少來自廣東嘅網紅感到極不滿，引起熱議！

Photo from 《網紅的瘋狂世界》劇照

抖音疑似禁止直播主用廣東話？

日前，內地瘋傳抖音官方突然封鎖多名廣東用家嘅帳號，疑似實行禁止直播主們使用廣東話，隨即引起大批網民熱議！

Photo from 《二十五二十一》劇照

460萬粉絲廣東網紅宣佈推出抖音！

其中一名坐擁逾460萬粉絲嘅「廣東靚仔風少」過往一直都係用廣東話直播及進行創作，但近日（30/9）佢拍片表示退出抖音平台。其實佢喺宣佈退出前已經少咗拍片，而佢就透露原因係抖音對講廣東話嘅直播主設限制，甚至封鎖其帳號。

Photo from 「廣東靚仔風少」抖音

用廣東話後被官方指「無法識別語言」

而抖音平台本身內置幫廣東話配上字幕嘅功能，但網紅表示如今佢哋卻以「無法識別語言」為理由封鎖廣東話直播主嘅帳號，令佢感到既無奈又憤怒，認為原因極荒謬！

Photo from 「廣東靚仔風少」抖音

Photo from 「廣東靚仔風少」抖音

即睇更多人氣文章：

32歲女紋眉後驚現4條眉，不願意出門1年！過往超多紋眉失敗例子？

靚女女友學歷低，醫生男不顧父母反對堅持迎娶！20年後大感後悔？！

狠批平台落後？

網紅「風少」憤怒咁話「咁大個平台居然話識別唔到粵語，既然你咁落後就唔值得擁有我哋呢班優質嘅粵語用戶。」佢認為使用廣東話嘅用戶都好多，認為抖音今次嘅決定可能會流失一大班用戶。

Photo from 「廣東靚仔風少」抖音

Photo from 「廣東靚仔風少」抖音

直播主透露收到通知要求使用普通話！

此外，有其他廣東話直播主表示喺直播期間收到通知，勸喻佢哋「請盡量說普通話，照顧不同的觀眾」；亦有人因為未有遵守而被封鎖帳號。

Photo from 微博

Photo from 微博

網民反應兩極！

以上嘅事件引起熱議，但內地網民反應兩極！部分網民極力支持喲保留廣東話用戶嘅帳號，但部分網民就覺得會封鎖佢哋嘅帳號全因佢哋用字不當，影響社群媒體嘅風氣，與語言無關。

Photo from 微博

推行使用「國家通用文字」

據悉，中國國務院曾表明現時要推行「國家通用文字」，期望2025年普通話喺內地嘅普及率可以達到85%，未知今次抖音係咪為咗配合呢項政策而對用戶進行限制？！

Photo from 《老師你會不會回來》劇照

相關文章：內地男14歲買林寶堅尼，抖音炫富獲女生主動結交！下場曝光網民唏噓

相關文章：抖音第一美女直播濾鏡突消失！真樣曝光令fans大感崩潰！舊照瘋傳嚇窒網友

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）