想知陳生叫咩名？《棟篤特工》必睇精彩位 ＋KOL踩入電影圈

唔知最近大家有無留意到子華神啲賀歲片，除咗有好戲之人嘅盧海鵬、吳君如、林雪詹瑞文等等。呢位陳特工為咗世界和平可以去到幾盡呢！《棟篤特工》一開場就係黃子華同佘詩曼結婚派對～成個派對最懷舊嘅應該都係得黃子華嘅鬆高髮型。

Photo from hmvDigitalChinaGroup

黃子華一向金句多多，今次著試高腰褲真係頂唔順，難怪會對住C君講呢句「你未型過你唔會明！」，又拮咗宅男一刀啦！(入場睇仲可以睇埋Cosplay版子華神！味走寶啊)

Photo from hmvDigitalChinaGroup

今次最佢為咗世界和平兩次悔婚，難怪佘詩曼要全城通缉佢啦！不過佘詩曼係片中都流露出佢對黃子華仲好有愛～不過都有恨啊！！仲過話「如果玩你有個限期，我希望係一萬光年！」，不過就畀子華神串光年係計距離嘅天文單位添～笑料不斷～

Photo from hmvDigitalChinaGroup

《棟篤特工》今次仲搵嚟好多網絡紅人(KOL)，達哥(林慧韡)扮演花心嘅男教師，仲溝埋文青女神蘇麗珊！達哥一講對白小編就會諗起平日直播嘅佢，達朝子民可能會有啲唔慣。

Photo from hmvDigitalChinaGroup

驚喜位仲有專家Dickion，係片中扮返宅男嘅佢入型入格～小編一直以為係張建聲飾演嘅白髮宅男先係搶槍之人，但去到最尾Dickion拎住支槍真係令小編估唔到！

Photo from hmvDigitalChinaGroup

片中最令人深刻嘅係Hydogen爆發嘅三分鐘，黃子華希望裝扮成啊婆嘅佘詩曼可以傳在場吸入Hydogen嘅人激發起人性本善嘅反應，互相合作去解決當前危機。

有啲精彩位一定要入場睇～因為小編都唔想透路咁多～有個個男人都識嘅日本女星都出演！記得入場睇啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載