等足3年！新海誠繼《你的名字》 時隔3年推出新作《天氣之子》

知名動畫導演新海誠繼《你的名字》，時隔3年再次執導動畫電影，新作名稱為《天気の子》（暫譯：天氣之子）。官方海報都公開咗，畫風依然都係咁靚、咁夢幻！

Photo from eigaland

《天氣之子》講述一位離開海島老家去到東京生活嘅高中生「森嶋帆高」同一位不可思議少女「天野陽菜」相戀嘅故事。少女擁有向天空祈禱就會天晴嘅神奇力量。

新生代演員醍醐虎汰朗同埋森七菜會分別為男、女主角配音。

Photo from eigaland

Photo from eigaland

電影製作班底都好強大，角色設定係由田中將賀擔綱，《你的名字》嘅角色設定都係由佢負責架～作畫監督就係曾經經手過吉卜力《貓的報恩》、《機動戰士鋼彈 THE ORIGIN》等作品嘅田村篤，美術監督就係曾參與《言葉之庭》製作嘅滝口比呂志。

動畫將喺 2019 年 7 月 19 日喺日本上映。

班底咁強大，唔知能唔能夠再創經典呢？

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）